अविश्वसनीय! 17 महिन्यांच्या बाळाने कमावले कोट्यवधी; 3.3 कोटी रुपयांनी चिमुकल्याची तिजोरी भरली

नारायण मूर्ती यांचा नातू ‘एकाग्र’ यांच्याकडे सध्या इन्फोसिसचे 15 लाख शेअर्स आहेत. जे कंपनीतील एकूण शेअर्सच्या 0.04 टक्के इतके आहेत. विशेष म्हणजे, हे शेअर्स एकाग्र फक्त चार महिन्यांचा होता तेव्हा नारायण मूर्ती यांनी तेव्हा भेट म्हणून दिले होते. मार्च २०२४ मध्ये या भेट दिलेल्या शेअर्सचे मूल्य 240 कोटी रुपयांपेक्षा जास्त होते. तथापि इन्फोसिसच्या सध्याच्या शेअरच्या किंमतीनुसार आता हे मूल्य 214 कोटी रुपये आहे.

इन्फोसिसने आपल्या तिमाही निकालांमध्ये प्रति शेअर 22 रुपये अंतरिम लाभांश जाहीर केला आहे. अशा परिस्थितीत एकाग्रकडे 15 लाख शेअर्स असल्याने, त्यांच्या लाभांशाची रक्कम 3.3 कोटी रुपये होईल. या पेमेंटसह चालू आर्थिक वर्षासाठी त्यांची एकूण लाभांश उत्पन्न 10.65 कोटी रुपये झाले आहे. वर्षाच्या सुरुवातीला त्याला कंपनीने जाहीर केलेल्या अंतरिम लाभांशाद्वारे 7.35 कोटी रुपये मिळाले होते.