Gold News: सोन्याच्या बाजारात जपानचा 'सर्जिकल स्ट्राईक'; ट्रम्पच्या टॅरिफ प्लॅनला झटका, Goldच्या भावात खळबळ
- Published by:Jaykrishna Nair
Last Updated:
Safe Haven Assets: ट्रम्पने घातलेल्या नव्या रेसिप्रोकल टॅरिफमुळे संपूर्ण जगभरात आर्थिक अस्थिरतेचं वातावरण निर्माण झालं आहे. गुंतवणूकदार आता सुरक्षित गुंतवणुकीच्या पर्यायांकडे वळले असून, सोनं, जपानी येन आणि स्विस फ्रँक सर्वाधिक मागणीत आहेत. या आर्थिक उलथापालथीचा पुढील परिणाम सोन्याच्या किंमतींवर आणि शेअर बाजारावर गंभीर स्वरूपात पाहायला मिळू शकतो.
नवी दिल्ली: अमेरिकेचे अध्यक्ष डोनाल्ड ट्रम्प यांनी अलीकडेच मोठ्या प्रमाणात रेसिप्रोकल टॅरिफ (परस्पर कर) लावण्याचा निर्णय घेतल्यानंतर जागतिक बाजारपेठेत भीतीचं वातावरण निर्माण झालं आहे. या घोषणेनंतर गुंतवणूकदारांनी धोका टाळण्यासाठी सुरक्षित पर्यायांचा (Safe Haven Assets) शोध घेणे सुरू केले असून, यात सर्वात जास्त मागणी जपानी येन, स्विस फ्रँक आणि सोन्याची होत आहे.
ट्रेड वॉर आणि मंदीपासून बचावाचा प्रमुख पर्याय
Absolute Strategy Research चे प्रमुख अब्राहिम रहबारी यांच्या मते, अमेरिकी मंदी आणि व्यापार तणावाच्या पार्श्वभूमीवर जपानी येन हा सर्वात सुरक्षित पर्याय ठरू शकतो. ते म्हणाले की, येन अजूनही तुलनेत स्वस्त आहे.अमेरिकन व्याजदर कमी झाल्याने येन आणि डॉलर यांच्यातील व्याजदर फरक कमी होईल. जपान आता व्यापारावर पूर्वीइतका अवलंबून नाही आणि तिथल्या सरकारच्या आर्थिक धोरणातही नरमाई आहे. आकडेवारीनुसार 2 एप्रिलपासून येनने डॉलरच्या तुलनेत 3% पर्यंत मजबुती दर्शवली आहे.
advertisement
दुसरा पर्याय
रहबारी यांनी स्विस फ्रँकलाही चांगला पर्याय असे म्हटले आहे. सध्या स्विस फ्रँक 3% पेक्षा अधिक वधारला असून डॉलरच्या तुलनेत 0.8522 या स्तरावर पोहोचला आहे. Raymond James Investment Management चे मॅट ऑर्टन यांच्या मते, सध्याच्या अनिश्चित वातावरणात स्विस फ्रँक येनपेक्षा अधिक चांगला पर्याय ठरू शकतो. विशेषतः जपानच्या बँकेच्या व्याजदर धोरणाविषयी अजूनही स्पष्टता नसल्यामुळे.
advertisement
सोनं आणि बाँड्स चमकले
तज्ज्ञांच्या मते- वाढत्या अस्थिरतेमुळे गुंतवणूकदारांनी सोनं, बाँड्स, डॉलर फ्युचर्स, तेल आणि इक्विटी इंडेक्सवरील पुट ऑप्शन्स यामध्ये गुंतवणूक वाढवली आहे.
अमेरिकन 10 वर्षांच्या बाँडची यील्ड 6% नी घटून 3.873% वर आली आहे. जपानी बाँड यील्ड 1.05% वर आली आहे. जी डिसेंबर 2024 नंतरची सर्वात नीचांकी पातळी आहे.
सेफ इन्व्हेस्टमेंट
टॅरिफ घोषणेनंतर सोन्याचे दर झपाट्याने वाढले. BMI एनालिस्ट्स यांच्या मते सोन्याच्या किमती वाढण्यामागील प्रमुख कारणे:
advertisement
-वाढती व्यापार अनिश्चितता
-भू-राजकीय तणाव
-कमजोर अमेरिकी डॉलर
-केंद्रीय बँकांची वाढती खरेदी
मंदीची भीती
BullionVault चे रिसर्च डायरेक्टर एड्रियन ऐश म्हणतात- कमकुवत व्यापार, वाढत्या खर्चामुळे घटणारा नफा यामुळे शेअर बाजारावर परिणाम झाला आहे. अशा वातावरणात सोन्याला पुढेही तेजी मिळण्याची शक्यता आहे.
अमेरिकन शेअर बाजारांमध्ये मोठी घसरण
view commentsटॅरिफ घोषणेनंतर केवळ जागतिकच नाही, तर अमेरिकन शेअर बाजारांमध्येही मोठी घसरण झाली. गेल्या शुक्रवार बाजार तब्बल 9.08% नी कोसळला. ही एका आठवड्यातील सर्वात मोठी घसरण आहे. JPMorgan ने जागतिक मंदीची शक्यता 40% वरून 60% पर्यंत वाढवली आहे.
Location :
Mumbai,Maharashtra
First Published :
April 07, 2025 7:14 PM IST
मराठी बातम्या/मनी/
Gold News: सोन्याच्या बाजारात जपानचा 'सर्जिकल स्ट्राईक'; ट्रम्पच्या टॅरिफ प्लॅनला झटका, Goldच्या भावात खळबळ
