नोकरी मिळाली नाही म्हणून केली टोमॅटोची शेती, आज नोकरी करणाऱ्यांपेक्षा गडी कमावतोय जास्त पैसे

पूर्णिया येथील ठाढा गावाचे रहिवासी असलेले तरुण शेतकरी राजेश कुमार सांगतात की, बारावीच्या शिक्षणानंतर त्यांनी नोकरी शोधली. मात्र, त्यांना कुठेही रोजगार मिळाला नाही. त्यामुळे त्यांनी शेती करण्याचा निर्णय घेतला. मागील 4 वर्षांपासून ते टोमॅटोची शेती करत आहेत. त्यांनी पारंपरिक शेतीच्या तुलनेत आधुनिक पद्धतीने शेती करण्यावर जोर दिला. तसेच त्यांचा हा निर्णय योग्य सिद्ध झाला. आता ते आपल्या लहानशा शेतात प्रत्येक मोसमात एकाच वेळी 7 लाख रुपयांची कमाई करत आहेत.

राजेश कुमार यांनी लोकल18 बोलताना सांगितले की, त्यांनी कटिहार येथून बियाणे मागवून एक एकरमध्ये टोमॅटोची शेती करायला सुरुवात केली. हा टोमॅटो करण या जातीचा आहे. एका झाडापासून 50 किलोपेक्षा जास्त टोमॅटो निघतात. तसेच झाड हे तीन महिने फळ देते. टोमॅटोची ही एक अशी जात आहे, ज्यामध्ये कमी मेहनत आणि खर्चात चांगल्या प्रकारचा फायदा होतो. एका टोमॅटोचे वजन 250 ग्रॅम असल्याचेही त्यांनी सांगितले.

राजेश यांनी सांगितले की, ते आपल्या शेतातून रोज 5 ते 7 क्विंटल टोमॅटो काढतात आणि बाजारात विकतात. एका रोपातून सुमारे 50 किलो उत्पादन निघते. यामुळे एका हंगामात त्यांना 7 लाखांपर्यंत उत्पन्न मिळत आहे. आजूबाजूच्या अनेक तरुणांनी त्यांच्या शेती पद्धतीमुळे प्रभावित होऊन शेती करण्यास सुरुवात केली आहे.

राजेश सांगतात की, भाजीपाल्याची शेती जरा कठीण आहे. मेहनत आणि औषधींवर जास्त खर्च येतो. सुरुवातीला मला तोटा झाला. मात्र, मी हार मानली नहाी. आता मी ऑफ सीझनमध्ये बटाटा, मुळा, कोबी, टोमॅटो, कोथिंबीर, पालक, वांगी आणि गाजरसह इतर भाजीपाल्याची शेती करतो. बाजारात व्यापारी 3 हजार ते साडेतीन हजार प्रतिक्विंटल दराने व्यापारी येऊन खरेदी करतात. त्यामुळे यातून मला चांगला नफा मिळत असल्याचे त्यांनी सांगितले.