शेतकऱ्यानं लढवली शक्कल, घेतलं 'या' भाज्यांचं उत्पादन; आज उलाढाल लाखोंची!

सोलापूर : आता शेतकरी बांधव पारंपरिक शेतीसह भाजीपाला, फळं आणि फुलांच्या लागवडीतून उत्तम उत्पन्न मिळवू लागले आहेत. शेतात विविध प्रयोग करून चांगलं उत्पादन घेतलं जातं. सोलापूर जिल्ह्यातील शेतकरी ज्ञानेश्वर हिप्परकर यांनी आपल्या शेतात 10 बाय 10 गुंठा जागेत विविध पिकं घेतली आहेत. या पिकांची विक्री केवळ आठवडी बाजारात केली जाते आणि त्यातून त्यांची आज उलाढाल आहे लाखो रुपयांची.

मोहोळ तालुक्यातील कोरवली गावात शेतकरी महादेव, ज्ञानेश्‍वर आणि संजय हे 3 हिप्परकर बंधू एकत्र राहतात. त्यांच्याकडे 10 एकर शेती आहे. आर्थिक परिस्थिती हलाखीची असल्यामुळे त्यांना शिक्षण पूर्ण करता आलं नाही. संजय पाचवी, महादेव तिसरी आणि ज्ञानेश्‍वर आठवीपर्यंत शिकले आहेत. त्यांनी शेतीत जम बसवायचं ठरवलं. सुरुवातीला वांग्याचं पीक घेतलं, त्यानंतर मेथी, कोथिंबीर, टोमॅटो, पालक, मिरची या विविध भाज्यांचं उत्तम उत्पादन घेतून हे कुटुंब आज लखपती झालंय.