दुष्काळी भागात केली रंगीत ढोबळी मिरचीची लागवड; 2 एकरात शेतकरी कसा झाला मालामाल? Video

बाळकृष्ण बनगर यांनी अकरावी शिक्षणानंतर शेती करण्याचा निर्णय घेतला. घरचा व्यवसाय मेंढ पाळीचा होता. त्यामुळे मेंढ्या सोबत फिरताना त्यांनी त्या ठिकाणचे शेतकरी विविध प्रयोग करून डोंगरी भागामध्ये लाखों रुपयांचे उत्पादन आपल्या शेतातून घेत आहेत हे पहिले. त्यामुळे त्यांनी आले, टोमॅटो, काकडी, झेंडू अशा प्रकारची शेती केली मात्र गेल्या दोन वर्षांपासून ते मल्चिंग पेपरचा वापर करत रंगीत ढोबळी मिरचीची लागवड करत आहेत.

होलेवाडी या गावात पाण्याची खूप टंचाई असते. या परिस्थितीत शेतामध्ये कमी पाण्यावर येणाऱ्या पिकाची लागवड करण्यास सुरुवात मी सुरुवात केली आणि प्रगती साधली आहे. गेल्या वर्षी मला 8 ते 10 लाख रुपयांचे उत्पन्न रंगीत ढोबळी मिरची लागवड यामधून झाले होते, असं बाळकृष्ण बनगर यांनी सांगितले.