धाराशिवमध्ये दुष्काळाची दाहकता, पाण्याअभावी ऊसाचे पिक जळाले, शेतकऱ्यांकडून फिरवला जातोय नांगर

दुष्काळाची दाहकता इतकीय की धरण परिसरातील 70 टक्के ऊसाच्या पिकावर शेतकऱ्यांनी नांगर फिरवलाय. खोडव्याचा ऊस मोडण्याची वेळ शेतकऱ्यांवर दुष्काळामुळे आलीय. धाराशिव जिल्ह्यातल्या एकट्या परंडा तालुक्यात 22500 हेक्टर हजार हेक्टर उसाचे क्षेत्र आहे परंतु केवळ 6700 हजार हेक्टर क्षेत्र उरले बाकी क्षेत्रावर शेतकऱ्यांनी नांगर फिरवलाय.

सीना कोळेगाव धरण हे धाराशिव जिल्ह्यातलं सर्वात मोठा धरण आहे. या धरणाची पाणी साठवण्याची क्षमता 5.23 टीएमसी इतके आहे. परंतु सध्या धरणात केवळ 10.84 दशलक्ष घनमीटर इतकाच पाणीसाठा शिल्लक आहे जो मृत पाणीसाठा आहे. त्यामुळे परिसरातील धरणावर आधारित असलेल्या शेतीला पाणी मिळत नसल्याने उसाच्या क्षेत्रात मोठी घट निर्माण झाली आहे.

सोनारी, डोमगाव, रोसा अशी अनेक गावे आहेत जी सिना कोळगावच्या धरणावर आधारित आहेत. त्याचबरोबर परंडा तालुक्यातील चांदणी, साकत असे अनेक धरणे आहेत की ज्या धरणांमध्ये पाणीसाठा शिल्लक नाही. त्यामुळे जनावरांच्या आणि लोकांच्या पिण्याचा पाण्याचा प्रश्न ऐरणीवर आहे. दुष्काळामुळे हजारो हेक्टर वरील उसाचे क्षेत्र मोडीत निघालेय. त्यामुळे ऊस उत्पादक शेतकऱ्यांचे कंबरडे मोडले आहे.

एक एकर उसाची लागवड करण्यासाठी ते कारखान्यापर्यंत ऊस पोहोचवण्यासाठी शेतकऱ्यांना 50 ते 60 हजार रुपयांचा प्रति एकरी खर्च येतो तर खोडव्याचा ऊस मोडण्याची वेळ शेतकऱ्यांवर आलीय. त्यातच त्यातच अद्यापही करपलेला ऊस पावसाची वाट पाहतोय. मी दोन एक्कर उसाची लागवड केली होती, परंतु या वर्षी पाण्याअभावी ऊसाचे पिक जळालेले आहे,असंच अनेक शेतकऱ्यांचे नुकसान झालेले आहे तरी सरकारने पंचनामे करून मदत द्यावी, अशी मागणी उस उत्पादक शेतकरी राजकुमार हांगे यांनी केलीय.