Success Story : घरात बसून काम नव्हतं, गृहिणीनं निवडलं आवडीचं क्षेत्र, आता दुसऱ्यांना देतात रोजगार!

अश्विनी पुंड यांनी सुरुवातीला एका छोट्या रूममधून हा व्यवसाय चालू केला होता आणि आता ते प्रायव्हेट आणि गव्हर्नमेंट कोर्सेस घेतात. त्यात एम एस सी आय टी, कम्प्युटर हार्डवेअर, टायपिंग, टॅली, सीसीटीव्ही इन्स्टॉलेशन कोर्सेस उपलब्ध आहेत. तसेच महिलांसाठी फॅशन डिझायनिंग, पार्लर आणि मेहंदी सर्टिफिकेट कोर्सेस चालवतात. जवळपास त्यांच्याकडे एका बॅचमध्ये 50 ते 60 विद्यार्थी आहेत. त्याचप्रमाणे शिवण क्लासमध्ये पण जवळजवळ 20 ते 30 महिला आहेत. 

तसेच गव्हर्नमेंटचे फ्री कोर्सेस पण उपलब्ध आहेत जेणेकरून गरीब विद्यार्थ्यांना याचा लाभ घेता येईल. आत्ताच नव्याने सुरू केलेला फॅशन डिझायनिंगचा सहा महिन्यांचा सर्टिफिकेट कोर्स घेत आहेत. त्यांच्याकडे प्लेसमेंट पण घेतले जातात आणि प्लेसमेंटमधूनच आत्तापर्यंत खूप विद्यार्थी सिलेक्ट होऊन जॉब करत आहेत. तसेच त्यांच्याकडे काही महिला स्टाफ आहेत. त्या महिलांना स्वतःचा व्यवसाय चालू करण्यास प्रोत्साहन देत आहेत. सुरुवात छोटी जरी असली तरी कामात सातत्य ठेवून प्रामाणिकपणे काम केलं तर एक दिवस यश नक्कीच भेटतं आणि प्रत्येक महिलांनी बाहेर पडून स्वतःचं अस्तित्व निर्माण केलं पाहिजे, असं अश्विनी कुंड म्हणतात.