या नव्या पद्धतींनी तुम्ही बंद करु शकता क्रेडिट कार्ड! जाणून घ्या नियम

मुंबई : तुमच्याकडे क्रेडिट कार्ड असेल आणि ते वापरता येत नसेल, तर तुम्ही ते बंद करू शकता. याशिवाय तुमच्यासोबत फसवणूक होत असेल आणि तुम्हाला ती कायमची थांबवायची असेल तर ही बातमी तुमच्यासाठी आहे. अनेकदा बँक क्रेडिट कार्ड बंद करण्यास टाळाटाळ करते. बँका कार्ड बंद करण्याच्या रिक्वेस्ट लवकर स्वीकारत नाहीत. अशा परिस्थितीत क्रेडिट कार्डवरील आरबीआयचे नियम जाणून घेणे महत्त्वाचे आहे. जेणेकरून बँक तुमचे क्रेडिट कार्ड बंद करत नसेल, तर तुम्ही रिझर्व्ह बँकेच्या नियमांचा हवाला देऊन कार्ड बंद करण्यास सांगू शकता.