Standard Deduction चे नियम बदलणार? तुमच्या खिशावर कसा होणार परिणाम जाणून घ्या

केंद्रीय बजेट सादर व्हायला फक्त दोन दिवस उरले आहेत. केंद्रीय अर्थमंत्री निर्मला सीतारामन शनिवारी 1 फेब्रुवारी 2025 ला संसदेत आर्थिक वर्ष 2025-26 साठीचा अर्थसंकल्प सादर करतील. या वर्षी बजेटमध्ये इन्कम टॅक्समध्ये सवलती मिळू शकतील अशी अपेक्षा सामान्य नागरिकांना आहे. सीएनबीसी आवाजनी आपल्या विशेष सूत्रांच्या मदतीने मिळवलेल्या एक्सक्लुझिव्ह माहितीनुसार यंदाच्या बजेट मध्ये स्टँडर्ड डिडक्शन मध्ये खूप वाढ होण्याची आशा व्यक्त केली जात आहे. मिळालेल्या माहितीनुसार सरकार टॅक्ससंबंधी नियमांमध्ये असे बदल करणार आहे जेणेकरून स्टँडर्ड डिडक्शन वाढवण्यासाठी इन्कम टॅक्स कायद्यामध्ये सुधारणा करण्याची गरजच भासणार नाही. बजेट तयार करण्यासंबंधी ज्या बैठका होत आहेत त्यांमध्ये याबाबतचे प्रस्ताव मांडले गेले आहेत, असं सूत्रांनी सांगितलं आहे.