फक्त 5 दिवस थांबा! तुमच्या Home Loanचा EMI कमी होणार, मोठी खुशखबरी मिळण्याची शक्यता
- Published by:Jaykrishna Nair
Last Updated:
Home Loan: या आठवड्यात गृहकर्जधारकांसाठी मोठं चित्र बदलू शकतं, कारण RBI 5 डिसेंबरला रेपो रेटवर महत्त्वाचा निर्णय जाहीर करणार आहे. महागाई कमी झाल्याने EMI मध्ये घट होण्याची शक्यता वाढली असून लाखो कर्जदारांची उत्सुकता शिगेला पोहोचली आहे.
मुंबई: डिसेंबर महिन्याची सुरुवात उद्यापासून म्हणजेच 1 डिसेंबरपासून होत आहे आणि त्यासोबत देशात अनेक मोठे बदल लागू होणार आहेत. याचबरोबर महिन्याच्या पहिल्या आठवड्यात होम लोन आणि ऑटो लोन घेऊ इच्छिणाऱ्या ग्राहकांसाठी एक मोठी खुशखबरी मिळण्याची शक्यता आहे. तज्ज्ञांच्या मते, महागाईचा दबाव अलीकडे कमी झाल्याने भारतीय रिझर्व्ह बँक (RBI) रेपो रेटमध्ये 0.25% किंवा 25 बेसिस पॉइंट्सची कपात करू शकते. जर खरोखरच अशी घोषणा झाली, तर बँकांचे व्याजदर कमी होणार आणि नागरिकांच्या लोन EMI मध्ये मोठी घट दिसू शकते.
advertisement
5 डिसेंबरला होणार मोठी घोषणा
RBI च्या मॉनेटरी पॉलिसी कमिटी (MPC) ची बैठक 3 डिसेंबरपासून सुरू होणार आहे. या बैठकीत रेपो रेटसह इतर महत्त्वाच्या आर्थिक निर्णयांवर चर्चा होईल आणि त्यांची अधिकृत घोषणा 5 डिसेंबरला शुक्रवारच्या दिवशी केली जाईल. RBI गव्हर्नर संजय मल्होत्रा हे सकाळी 10 वाजता रेट-सेटिंग पॅनलचा निर्णय जाहीर करतील.
advertisement
किती राहील Repo Rate?
मागील वर्षी फेब्रुवारीमध्ये RBI ने रेट कपातीचा सायकल सुरू केला होता. त्यानंतर सलग काही धोरणात्मक घोषणांमध्ये रेपो रेटमध्ये एकूण 100 बेसिस पॉइंट्सची घट करण्यात आली. ऑगस्ट महिन्यात ही कपात तात्पुरती थांबवण्यात आली होती. सध्या रेपो रेट 5.5% आहे.
advertisement
काही तज्ज्ञांच्या मते, RBI डिसेंबरमध्ये पुन्हा 25 BPS ची कपात करू शकते. जर ही कपात झाली, तर रेपो रेट 5.25% एवढा होईल. ज्यामुळे कर्ज घेणाऱ्यांना मोठा दिलासा मिळेल.
महागाई नियंत्रणात, मिळू शकते मोठी सवलत
कंझ्युमर प्राइस इंडेक्स (CPI) आधारित रिटेल महागाई गेल्या दोन महिन्यांपासून सरकारने निश्चित केलेल्या 2% च्या तळाच्या पातळीखाली आहे. महागाईचे हे नियंत्रण आणि अन्नधान्याच्या किमतींमध्ये घट झाल्याने तज्ज्ञांना पुन्हा रेपो रेट कमी होण्याची अपेक्षा आहे.
advertisement
मात्र काही अर्थतज्जज्ञांचे म्हणणे वेगळे आहे. दुसऱ्या तिमाहीतील 8.2% GDP ग्रोथ ही अपेक्षेपेक्षा जास्त असल्यामुळे RBI रेट कट करण्यापासून स्वतःला रोखू शकते, असे त्यांचे मत आहे.
तसेच, फिस्कल कन्सोलिडेशन, सार्वजनिक गुंतवणूक (Public Investment) आणि GST रेटमध्ये कपात यांसारख्या सुधारांमुळे आर्थिक वाढीत गती आली आहे. त्यामुळे RBI धोरणात्मक व्याजदरात स्थिरता ठेवण्याचाही निर्णय घेऊ शकते.
advertisement
GST कपातीचा महत्त्वाचा प्रभाव
CRISIL चे चीफ इकॉनॉमिस्ट धर्मकीर्ति जोशी यांनी सांगितले की, रिटेल महागाई RBI च्या 2-6% च्या लक्ष्य श्रेणीपेक्षा खाली येण्यामागे मुख्य कारण म्हणजे अन्नधान्य महागाई कमी होणे होय. त्यांनी हेही नमूद केले की, सोन्याचा अपवाद वगळता, कोर महागाई ऑक्टोबरमध्ये 2.6% एवढी राहिली असून यात GST कपातीचा थेट फायदा झाला आहे.
advertisement
जोशी यांच्या अंदाजानुसार, डिसेंबरमध्ये रेपो रेटमध्ये 25 बेसिस पॉइंट्सची कपात होण्याची शक्यता आहे. देशाची आर्थिक वाढ मजबूत असली तरी, रिटेल महागाईतील मोठी घट धोरण बदलण्यासाठी मोकळीक देते.
इतर संस्थांचे अंदाज
HDFC Bank च्या अहवालानुसार महागाई नियंत्रणात आल्यामुळे 25 BPS रेपो रेट कट होण्याची शक्यता जास्त आहे. मात्र SBI Economic Research Department च्या अहवालानुसार GDP वाढ मजबूत आणि महागाई कमी असल्यामुळे RBI न्यूट्रल रुख कायम ठेवू शकते.
Bank of Baroda चे चीफ इकॉनॉमिस्ट मदन सबनवीस यांचे मत आहे की, रेपो रेटवरचा निर्णय अत्यंत टोकाचा असेल आणि सध्या तरी पॉलिसी रेटमध्ये बदल होऊ नये.
Location :
Mumbai,Maharashtra
First Published :
November 30, 2025 8:32 PM IST
मराठी बातम्या/मनी/
फक्त 5 दिवस थांबा! तुमच्या Home Loanचा EMI कमी होणार, मोठी खुशखबरी मिळण्याची शक्यता
