दीपिका पदुकोणच्या घरी लगीनघाई, लाडक्या बहिणीचा साखरपुडा संपन्न, धर्मेंद्र यांच्या कुटुंबाशी जोडणार जवळचं नातं!

Published by:Pratiksha Pednekar

Last Updated:November 30, 2025 8:01 PM IST

Deepika Padukone Sister Engagement: अभिनेत्री दीपिका पदुकोणची धाकटी बहीण अनीशाच्या होणाऱ्या नवऱ्याचे धर्मेंद्र यांच्या कुटुंबाशी असलेले खास कनेक्शन समोर आल्यामुळे बॉलिवूडमध्ये मोठी चर्चा रंगली आहे.

1/13

मुंबई: बॉलिवूडमध्ये लवकरच पुन्हा एकदा सनई-चौघड्यांचे सूर वाजू लागणार आहेत, कारण अभिनेत्री दीपिका पदुकोणची धाकटी बहीण अनीशा पदुकोण विवाहबंधनात अडकणार आहे!

2/13

अनीशाचा नुकताच दुबईतील एका उद्योजकाशी साखरपुडा झाला असून, लवकरच हे दोघे पती-पत्नी म्हणून आपले नवीन आयुष्य सुरू करणार आहेत.

3/13

अशातच, अनीशाच्या होणाऱ्या नवऱ्याचे धर्मेंद्र यांच्या कुटुंबाशी असलेले खास कनेक्शन समोर आल्यामुळे बॉलिवूडमध्ये मोठी चर्चा रंगली आहे.

4/13

अनीशा पदुकोणचा होणारा पती रोहन आचार्य हा केवळ एक उद्योजक नाही, तर त्याचे थेट देओल कुटुंबाशी नाते आहे. रोहन आचार्यची बहीण दृशा आचार्य ही अभिनेता सनी देओलचा मोठा मुलगा करण देओल याची पत्नी आहे.

5/13

रोहन आचार्य आणि अनीशाचे लग्न झाल्यानंतर दीपिका पदुकोण आणि तिचे कुटुंब हे आपोआपच धर्मेंद्र यांच्या कुटुंबाचे नातेवाईक बनतील.

6/13

रोहन आचार्य प्रसिद्ध चित्रपट निर्माते बिमल रॉय यांचे पणतू आहेत. रोहनची आई चिम्मू आचार्य आणि वडील सुमित आचार्य हे दुबईस्थित कॉर्पोरेट एक्झिक्युटिव्ह आहेत.

7/13

रोहन आचार्य हा दुबईस्थित उद्योजक असून, तो त्यांच्या कुटुंबाचा ट्रॅव्हल व्यवसाय सांभाळतो. अनीशा पदुकोणसोबत त्याचे नाते खूप वर्षांपासून आहे.

8/13

त्यांचे नाते कधी सुरू झाले किंवा नेमका साखरपुडा कधी झाला, याची माहिती सार्वजनिकरित्या उपलब्ध नाही. कारण दोघांनीही आपले नाते नेहमीच खासगी ठेवले आहे.

9/13

अनीशा ही एक माजी व्यावसायिक गोल्फर आहे. तिच्या किशोरवयीन काळात तिने राष्ट्रीय आणि आंतरराष्ट्रीय स्तरावर भारताचे प्रतिनिधित्व केले आहे.

10/13

शिक्षण पूर्ण केल्यानंतर अनीशा सध्या तिच्या कामातून समाजाला मदत करत आहे. अनीशाने सायकॉलॉजी, सोशियोलॉजी आणि इकॉनॉमिक्समध्ये पदवी घेतली आहे.

11/13

ती सध्या दीपिका पदुकोणने २०१५ मध्ये स्थापन केलेल्या 'द लिव्ह लव्ह लाफ फाउंडेशन'ची CEO म्हणून काम पाहते. मानसिक आरोग्याबद्दल जागरूकता वाढवण्याचे काम ती करते.

12/13

रणवीर सिंगचे आई-वडील आणि रोहनचे वडील सुमित आचार्य यांचे जवळचे संबंध असल्याने, या दोन कुटुंबांना एकत्र आणण्यात त्याने महत्त्त्वाची भूमिका बजावली असावी, अशीही चर्चा आहे.

13/13

सध्या पदुकोण कुटुंबीय लग्नाच्या तयारीत व्यस्त असून, लवकरच दोन्ही कुटुंबांकडून लग्नाच्या तारखेची अधिकृत घोषणा होण्याची शक्यता आहे.

दीपिका पदुकोणच्या घरी लगीनघाई, लाडक्या बहिणीचा साखरपुडा संपन्न, धर्मेंद्र यांच्या कुटुंबाशी जोडणार जवळचं नातं!

फोटो

ताज्या बातम्या