शिरूरकरांनो सावधान, झाडावर बसून बिबट्याची टेहाळणी, भीतीदायक Video

शिरूर तालुक्यातील शिंगाडवाडी परिसरात शेतकरी शेतात काम करत असताना अचानक झाडावर बसलेल्या बिबट्याची हालचाल दिसली. काही दिवसांपासून या भागात बिबट्यांचा वावर वाढला असून कालच वनविभागानं एक बिबट्या जेरबंद केला होता. मात्र आज पुन्हा झाडावर बसलेला दुसरा बिबट्या दिसल्याने ग्रामस्थांमध्ये भीतीचं सावट पसरलंय.

बिबट्या झाडावरून टेहाळणी करत असल्याचे स्थानिक शेतकऱ्यांनी सांगितले असून वनविभागाच्या पथकाने घटनास्थळी धाव घेत परिसरात सापळा लावला आहे. सततच्या बिबट्या दर्शनांमुळे शेतकरी-ग्रामस्थांही चिंता वाढल्या आहेत.

उत्तर पुणे जिल्हा (विशेषतः जुन्नर, आंबेगाव, शिरूर भागांत) सध्या बिबट्याच्या दहशतीखाली आहे. बिबट्यांचे हल्ले वाढले असून ग्रामस्थ भयभीत झाले आहेत आणि अनेक ठिकाणी शोध मोहीम सुरू आहे. या परिस्थितीतून बचावासाठी काही महिलांनी गळ्यात टोकदार खिळ्यांचा पट्टा घालण्यासारखे उपाय केले आहेत. वन विभागाने बिबट्यांना जेरबंद करण्यासाठी आणि पकडण्यासाठी शोध मोहीम सुरू केली आहे.