Multibagger Stock: तुमच्याकडे आहे का या कंपनीचा शेअर? एका वर्षात १ लाखाचे झाले १६ लाख!

एराया लाइफस्पेस लिमिडेट कंपनीने गेल्या वर्षभरात तब्बल १ हजार ५०० इतका रिटर्न दिला आहे. कंपनीने १०:१ प्रमाणात स्टॉक स्प्लिट करण्याची घोषणा देखील केली आहे. याचा अर्थ १० रुपयाचे एका शेअरला १ रुपयाच्या १० शेअर्समध्ये बदलले जाईल. या बातमीनंतर कंपनीच्या शेअर्समध्ये तेजी आली. जानेवारी २०२४ मध्ये एका शेअरची किंमत १२ रुपये होती ती डिसेंबर २०२४ मध्ये १ हजार १९४ इतकी झाली आहे. आता स्टॉक स्प्लिटनंतर किंमत २०० रुपयांच्या खाली आली आहे.

३ जानेवारी २०२४ रोजी एराया लाइफस्पेस लिमिडेटच्या शेअर्सवर १ लाख रुपये गुंतवले असते तर १२ रुपयाच्या हिशोबाने ८ हजार ५०० शेअर मिळाले असते. वर्षाच्या शेवटी १ हजार १९४ रुपयाच्या हिशोबाने १६ लाख इतकी रक्कम झाली असती.

एराया लाइफस्पेस लिमिडेटने गेल्या दोन वर्षात १५ हजार ५९१ टक्के रिटर्न दिला आहे. कोणत्याही कंपनीपेक्षा ही कामगिरी जबरदस्त आहे. शुक्रवारी कंपनीचा शेअर १३४.९५ रुपयांवर बंद झाला. त्याआधी तो १३५.२० रुपयांवर बंद झाला होता. गेल्या ५२ आठवड्यातील सर्वोच्च पातळी ३१६.९० इतकी होती तर सर्वात कमी ११.९८ इतकी होती. अर्थात शेअर्सबाजारातील गुंतवणुक जोखमीची असते त्यामुळे गुंतवणुकीबाबतचा कोणताही निर्णय घेण्याआधी तज्ज्ञांचा सल्ला घ्यावा.