EPFO New Rules 2025: नव्या वर्षात तुमचा फायदाच फायदा होणार; PF खात्यासाठी नवीन नियम जाणून घ्या

EPFO ने सदस्यांना अधिक सुविधा देण्यासाठी ATM कार्ड जारी करण्याचा निर्णय घेतला आहे. यामुळे खातेधारकांना कधीही पैसे काढता येतील. ईपीएफओची ATMमधून पैसे काढण्याची सुविधा पुढील वर्षी म्हणजेच 2025-26 मध्ये सुरू होण्याची शक्यता आहे.नवीन मार्गदर्शक तत्त्वे लागू झाल्यानंतर सदस्य कधीही 24 तासांमध्ये सहजपणे पैसे काढू शकतील. यामुळे सदस्यांचा बराच वेळ वाचेल. सध्या PFचे पैसे बँक खात्यात मिळण्यासाठी त्यांना 7 ते 10 दिवस वाट पाहावी लागते.

आगामी वर्षात EPF योगदान मर्यादेत बदल करण्याचा सरकार विचार करत आहे. सध्या कर्मचारी आपल्या मूळ पगाराचा 12% EPF खात्यात योगदान देतात. मात्र सरकार कर्मचारीांना 15,000 रुपयांच्या मर्यादेऐवजी प्रत्यक्षात त्यांच्या पगाराच्या आधारावर योगदान देण्याची परवानगी देण्याचा विचार करत आहे. यामुळे कर्मचारी त्यांच्या निवृत्तीपर्यंत मोठ्या प्रमाणात निधी जमा करू शकतील आणि दरमहा अधिक पेन्शन मिळवू शकतील.

EPFO आपली आयटी सिस्टम अपडेट करत आहे. ज्यामुळे PF क्लेम करणाऱ्या सदस्यांना त्यांची रक्कम काढणे अधिक सोपे होणार आहे. सिस्टम अपडेट करण्याचे काम जून 2025 पर्यंत पूर्ण होण्याची अपेक्षा आहे.आयटी सिस्टम अपडेट झाल्यावर क्लेम जलद आणि पारदर्शकपणे निपटवले जातील. तसेच फसवणुकीचे प्रकार कमी होतील.

EPFO आपल्या सदस्यांना इक्विटीमध्ये गुंतवणुकीची परवानगी देण्याचा विचार करत आहे. यामुळे PF खातेधारकांना आपला निधी अधिक प्रभावी पद्धतीने व्यवस्थापित करण्याचा पर्याय मिळेल. जर सेवानिवृत्ती निधी संघटना थेट इक्विटी गुंतवणुकीस मान्यता देते, तर सदस्यांना उच्च परताव्याची अपेक्षा करता येईल.

EPFO पेन्शनधारकांसाठी मोठा बदल करत आहे. नव्या नियमांनुसार पेन्शनधारक व्हेरिफिकेशनशिवाय देशातील कोणत्याही बँकेतून आपली पेन्शन काढू शकतील. या निर्णयामुळे सदस्यांना खूप सुविधा होईल, तसेच त्यांचा बराच वेळ वाचेल.