EPFO कर्मचाऱ्यांसाठी गुडन्यूज! लवकरच वाढू शकते सॅलरी लिमिट

मीडिया रिपोर्ट्सनुसार, केंद्र सरकार EPF अंतर्गत सॅलरी लिमिट 15,000 रुपयांवरून 21,000 रुपयांपर्यंत वाढवण्याचा विचार करत आहे. कारण EPFO ​​चे बहुतेक सदस्य या निर्णयाच्या बाजूने आहेत. हा प्रस्ताव मंजूर झाल्यास, EPF आणि EPS योगदान मर्यादेत ही तिसरी वाढ होईल. यामुळे 75 लाख अतिरिक्त कामगार या योजनेच्या कक्षेत येतील, यापूर्वी 2014 मध्ये वेतन मर्यादेत सुधारणा करण्यात आली होती, ज्यामध्ये सरकारने पीएफ वेतन मर्यादा 6500 रुपयांवरून 15000 रुपये केली होती.

यावेळी बदल झाल्यास कर्मचाऱ्यांच्या EPF आणि EPS अंशदानावरच परिणाम होणार नाही, तर त्यांना निवृत्तीनंतर मिळणारी पेन्शनही कर्मचाऱ्यांच्या राज्य विमा महामंडळाच्या (ESIC) प्रमाणेच वाढू शकते. त्यांना ईपीएफओच्या विविध सुविधांचा लाभ मिळणार आहे.

एखाद्या कर्मचाऱ्याची बेसिक सॅलरी 15,000 रुपयांपेक्षा जास्त असल्यास, तो EPF मध्ये योगदान देत असला तरीही तो EPS (कर्मचारी पेन्शन योजना) चा भाग होऊ शकत नाही. जर सरकारने EPF वेतन लिमिट 21,000 रुपयांपर्यंत वाढवली, तर ज्या कर्मचाऱ्यांचे मूळ वेतन 15,000 रुपयांपेक्षा जास्त आहे ते EPS योजनेत सामील होऊ शकतात. याचा अर्थ आता अधिक कर्मचारी ईपीएस अंतर्गत पेन्शन मिळविण्यास पात्र होऊ शकतात.

EPFO ​​मधील पगार लिमिट वाढली तर त्याचप्रमाणे EPS योगदान देखील वाढेल. जर एखाद्या कर्मचाऱ्याचा पगार 15,000 रुपयांपर्यंत असेल तर 8.33% EPS मध्ये 1,250 रुपयांपर्यंत योगदान दिले जाते आणि बाकीचे पैसे EPF मध्ये जमा केले जातात.

पगार लिमिट 21,000 रुपयांपर्यंत पोहोचल्यास, EPS मध्ये योगदान 1,749 रुपयांपर्यंत असेल, ज्यामुळे EPF मध्ये जमा होणारी रक्कम कमी होईल. उदाहरणार्थ, एखाद्या कर्मचाऱ्याचा पगार 25,000 रुपये असल्यास, त्याचे EPF मध्ये योगदान आता 1,251 रुपये आणि EPS मध्ये 1,749 रुपये असेल.

कर्मचाऱ्यांना निवृत्तीनंतर मिळणाऱ्या पेन्शनमध्येही लाभ मिळेल. कारण लिमिट वाढवल्यानंतर पेन्शनची गणना 21,000 रुपयांवर आधारित असेल. उदाहरणार्थ, जर एखाद्या कर्मचाऱ्याचा पेन्शनपात्र सेवा कालावधी 30 वर्षांचा असेल आणि 60 महिन्यांत कमाल पगार 15,000 रुपयांपेक्षा जास्त असेल, तर त्याचे पेन्शन सध्या 6,857 रुपये प्रति महिना आहे (जे (32×15,000)/ 70 आहे) परंतु 21,000 रुपये प्रति महिना पगारावर त्याला दरमहा 9,600 रुपये पेन्शन मिळेल.