Poultry Farming: उच्चशिक्षित असून सोडला नोकरीचा नाद, गावी येऊन सुरू केला व्यवसाय, तरुणाची कमाई 1 कोटी

सोलापूर : आजकाल अनेक तरुणांना 10 ते 5 नोकरी करण्यात रस वाटत नाही. काही उच्च शिक्षित तरुणांनी तर गावाकडे जाऊन शेती करण्यास आणि शेतीशी संबंधित व्यवसाय करण्यास सुरुवात केली आहे. सोलापूर जिल्ह्यातील पंढरपूर तालुक्यात राहणारा अतिश काळे याचा देखील अशाच तरुणांमध्ये समावेश होतो. उच्च शिक्षित असलेल्या अतिशने नोकरीच्या मागे न धावता स्वतःचा कुक्कुटपालनाचा व्यवसाय सुरू केला आहे. विशेष म्हणजे त्या इकॉनॉमिक्स विषयामध्ये मास्टर केलेलं आहे. कुक्कुटपालनाच्या व्यवसायातून तो वर्षाला 80 लाख ते 1 कोटी रुपयांची उलाढाल करतो.