उद्या भारतात काहीतरी मोठं घडणार, रिपोर्टनं बदलू शकतो बाजाराचा खेळ; पुढचं वाचल्यावर तुम्हीही थक्क व्हाल

Published by:Jaykrishna Nair

Last Updated:October 14, 2025 9:15 PM IST

GDP Prediction: भारतीय अर्थव्यवस्थेबाबत आयएमएफने दिलेल्या सकारात्मक अंदाजामुळे गुंतवणूकदारांमध्ये उत्साहाचं वातावरण निर्माण झालं आहे. महागाईत घट आणि वाढीचा दर 6.6% पर्यंत वाढण्याच्या बातमीमुळे उद्याच्या बाजार सत्रात प्रचंड ‘एक्शन’ पाहायला मिळू शकतो.

मुंबई: मंगळवारी शेअर बाजारात दबावाचे वातावरण दिसून आले आणि निफ्टी निर्देशांक 100 अंकांहून अधिक घसरून बंद झाला. परदेशी गुंतवणूकदारांकडून सतत विक्रीचा दबाव सुरूच राहिला. मात्र त्याचवेळी अशी एक सकारात्मक बातमी समोर आली आहे जी पुन्हा एकदा परदेशी गुंतवणूकदारांचा भारतावरील विश्वास मजबूत करू शकते.

आंतरराष्ट्रीय नाणेनिधी (IMF) ने मान्य केले आहे की भारतीय अर्थव्यवस्था चालू आर्थिक वर्षात त्यांच्या आधीच्या अंदाजांच्या तुलनेत अधिक वेगाने वाढू शकते. यामुळे बुधवारीच्या बाजार सत्रात गुंतवणूकदारांकडून सकारात्मक प्रतिसाद आणि एक्शन पाहायला मिळू शकतो.

आयएमएफचा सुधारित अंदाज

आयएमएफने भारताच्या आर्थिक वाढीचा अंदाज वाढवत वित्त वर्ष 2025-26 साठी 6.6 टक्के केला आहे. हा जुलै 2024 मध्ये जारी करण्यात आलेल्या 6.4 टक्क्यांच्या अंदाजापेक्षा जास्त आहे. ही माहिती आयएमएफने आपल्या ऑक्टोबर वर्ल्ड इकॉनॉमिक आउटलुक रिपोर्टमध्ये दिली आहे.

आयएमएफने म्हटले

भारताची आर्थिक वाढ 2025 मध्ये 6.6 टक्के आणि 2026 मध्ये 6.2 टक्के राहील असा अंदाज आहे. हा अंदाज सुधारण्यात आला आहे कारण 2025 च्या पहिल्या तिमाहीत देशाचा आर्थिक परफॉर्मन्स अपेक्षेपेक्षा खूप चांगला होता. अमेरिकेकडून भारतावर लागू केलेल्या आयात शुल्कांच्या वाढीचा परिणाम तुलनेने कमी झाला आहे. मात्र 2026 साठी अंदाज किंचित घटवला गेला आहे.”

पहिल्या तिमाहीतील दमदार कामगिरीचा परिणाम

भारतीय अर्थव्यवस्थेने वित्त वर्ष 2025-26 च्या पहिल्या तिमाहीत 7.8 टक्के वाढ नोंदवली. जी गेल्या एका वर्षातील सर्वाधिक वाढ होती. दुसऱ्या तिमाहीतही सुमारे 7 टक्क्यांच्या वाढीचा अंदाज वर्तवला जात आहे.

आयएमएफने स्पष्ट केले की, ही सुधारणा प्रामुख्यानेदेशांतर्गत मागणीतील वाढ, सेवा निर्यातीतील (Service Exports) मजबुती आणि आर्थिक वर्षाच्या सुरुवातीलाच मिळालेल्या जोरदार गतीमुळे करण्यात आली आहे. आयएमएफचा हा अंदाज इतर जागतिक संस्थांच्या अपेक्षांशी सुसंगत आहे. वर्ल्ड बँकने नुकतेच भारताच्या FY26 वाढीचा अंदाज 6.3% वरून वाढवून 6.5% केला आहे. तर भारतीय रिझर्व्ह बँकेने (RBI) आपला अंदाज 6.5% वरून 6.8% पर्यंत सुधारला आहे.

महागाई दराच्या अंदाजात मोठी घट

आयएमएफने भारतातील महागाई दरावरील अंदाजातही मोठी कपात केली आहे. FY26 साठी महागाई दर 2.8 टक्के असा अंदाज वर्तवला गेला आहे. जो एप्रिल 2024 मध्ये केलेल्या 4.2 टक्क्यांच्या अंदाजापेक्षा खूपच कमी आहे.

संस्थेने सांगितले की- भारत, मलेशिया, फिलिपिन्स आणि थायलंडमध्ये महागाई दर अपेक्षेपेक्षा कमी राहिला आहे. FY27 साठी आयएमएफचा महागाई दराचा अंदाज 4 टक्के आहे, जो आधीच्या 4.1 टक्क्यांच्या तुलनेत किंचित कमी आहे.

आर्थिक दृष्टिकोन सकारात्मक

IMFचा हा अहवाल भारतासाठी अत्यंत सकारात्मक मानला जात आहे. देशाची वाढती अंतर्गत मागणी, स्थिर वित्तीय धोरणे आणि सेवा क्षेत्रातील मजबूत कामगिरी यामुळे भारत सध्या जगातील सर्वाधिक वेगाने वाढणारी मोठी अर्थव्यवस्था ठरत आहे. आता परदेशी गुंतवणूकदारांचा भारतावरचा विश्वास आणखी बळकट होण्याची शक्यता आहे. आणि बुधवारीच्या बाजारात त्याचा प्रत्यक्ष परिणाम तेजीच्या एक्शनच्या स्वरूपात दिसू शकतो.

view comments

Location :

Mumbai,Maharashtra

First Published :

October 14, 2025 9:15 PM IST

उद्या भारतात काहीतरी मोठं घडणार, रिपोर्टनं बदलू शकतो बाजाराचा खेळ; पुढचं वाचल्यावर तुम्हीही थक्क व्हाल

उद्या भारतात काहीतरी मोठं घडणार, रिपोर्टनं बदलू शकतो बाजाराचा खेळ; पुढचं वाचल्यावर तुम्हीही थक्क व्हाल

फोटो

ताज्या बातम्या