Dharashiv : पंक्चर अन् वेल्डिंगचा व्यवसाय, आता सीजनमध्ये दिवसाला पाच हजारांची उलाढाल

धाराशिव - कुठलाही व्यवसाय लहान किंवा मोठा नसतो. व्यक्तीने जर जिद्दीने न खचता सातत्य ठेवले तर एक दिवस तो व्यक्ती नक्की यशस्वी होतो, हेच एका व्यक्तीने सिद्ध करुन दाखवले आहे. पंक्चर आणि वेल्डिंगच्या व्यवसायापासून सुरुवात केली आणि आज दिवसासाठी 5 ते 10 हजारांची उलाढाल करत आहेत. जाणून घेऊयात, ही प्रेरणादायी कहाणी.

भास्कर शिकेतोड असे या व्यक्तीचे नाव आहे. ते धाराशिव जिल्ह्यातील भूम तालुक्यातील अंतरवाली येथील रहिवासी आहेत. त्यांनी 1999 मध्ये भूम शिर्डी रस्त्यावर टायर पंक्चरचा व्यवसाय सुरु केला. त्यावेळी 15 दिवसात एकही रुपयाचे उत्पन्न मिळाले नाही. मात्र, न खचता त्यांनी आपला व्यवसाय सुरू ठेवला. आता सिझनमध्ये दिवसाकाठी ते 5 ते 10 हजार रुपयांची उलाढाल करतात.