Trending:

नगर परिषदेच्या बँक A/Cमधून 16.48 कोटी गायब; महापौर म्हणाले- चेक अजूनही ऑफिसात, कॅशिअरचा इनसाइड गेम

Published by:Jaykrishna Nair

Last Updated:September 15, 2025 7:47 PM IST

Massive Fraud: आगरताळा नगरपरिषदेच्या खात्यातून तब्बल 16.48 कोटींची फसवणूक उघड झाली असून बँकिंग सिस्टीम हादरली आहे. कॅशिअरला अटक करून पोलिसांनी तपास सुरू केला आहे.

इम्पॅक्ट शॉटतुमचा गेटवे लेटेस्ट न्यूज

नवी दिल्ली: आगरताळा नगर परिषदेच्या खात्यातून 16.48 कोटी रुपयांची गैरव्यवहार झाल्याचे धक्कादायक प्रकरण समोर आले आहे. हे खाते युको बँकेच्या कमन चौमुहानी शाखेत होते. एएनआय वृत्तसंस्थेनुसार आगरताळा नगर परिषदेने तक्रार दाखल केल्यानंतर वेस्ट आगरताळा पोलीस ठाण्याने तपास सुरू केला आणि बँकेच्या कॅशिअर रामयानी श्रीमोयी यांना अटक केली. न्यायालयाने त्यांना तीन दिवसांची पोलीस कोठडी सुनावली आहे.

आगरताळा नगर परिषदेचे महापौर दीपक मजुमदार यांनी या घटनेची माहिती देताना सांगितले की- युको बँकेमध्ये 16 कोटी 38 लाख रुपये जमा होते. तर शहरातील इतर शाखांमध्ये मिळून एकूण 53 कोटी रुपये जमा होते.

तक्रारीनंतर तपास सुरू

महापौरांनी सांगितले की, आमच्या नगर परिषदेचे युको बँकेत 16 कोटी 38 लाख रुपये जमा होते. एकूण आमच्याकडे शहरातील वेगवेगळ्या शाखांमध्ये 53 कोटी रुपये जमा होते. इतकी मोठी रक्कम रोख स्वरूपात ठेवणे शक्य नाही, म्हणून आम्ही ती बँकांमध्ये ठेवतो. त्यांनी पुढे सांगितले की, ही फसवणूक लक्षात आल्यानंतर बँकेच्या मुख्य व्यवस्थापकांना पत्र देण्यात आले. ज्यांनी एफआयआर (FIR) दाखल करून तपास सुरू केला.

ते म्हणाले, आगरताळाच्या कमन चौमुहानी शाखेतून हॅकर्सनी 16 कोटी 38 लाख रुपये काढून घेतले. त्यानंतर बँकेच्या मुख्य व्यवस्थापकांना पत्र देण्यात आले. ज्यांनी एफआयआर दाखल करून तपास सुरू केला. 5 ऑगस्ट ते 2 सप्टेंबर या काळात ही रक्कम काढण्यात आली. या रकमेचे धनादेश (चेक) अजूनही आमच्या कार्यालयातच आहेत. या प्रणालीनुसार बँकेतून पैसे काढण्यासाठी आयुक्त आणि कार्यकारी अभियंत्यांची स्वाक्षरी (सही) आवश्यक असते. नंतर बँकेच्या व्यवस्थापकांनी आम्हाला पत्र देऊन काढलेली रक्कम परत केली जाईल, असे सांगितले. बँकेने ही रक्कम नगर परिषदेच्या खात्यात जमा केली.

वेस्ट आगरताळा पोलीस ठाण्याचे अधिकारी-इन-चार्ज राणा चटर्जी यांनी सांगितले की, एका आरोपीला अटक करण्यात आली असून, त्याला न्यायालयीन कोठडीसाठी पाठवण्यात आले आहे.

Location :

Mumbai,Maharashtra

First Published :

September 15, 2025 7:47 PM IST

नगर परिषदेच्या बँक A/Cमधून 16.48 कोटी गायब; महापौर म्हणाले- चेक अजूनही ऑफिसात, कॅशिअरचा इनसाइड गेम