Business Ideas: पत्तरवाळीतून रोजगार, दुधातून समृद्धी, छत्रपती संभाजीनगरमधील स्वयंविकसित आदर्श गाव! Video

पत्तरवाळी व्यवसाय या गावात आहेच पण काही तरुण मंडळी आपापल्या वेगवेगळ्या व्यवसायात व्यस्त आहे. मधुकर निकम या तरुणाने पुणे विद्यापीठातून एमसीए केले असून तो नोकरी करत होता मात्र कोरोना काळात नोकरी सोडावी लागली त्यानंतर मधुकरने गावातच दुग्ध व्यवसाय करण्याचा निर्णय घेतला. 3 गाईंपासून सुरुवात करून या गाईंची संख्या आज 42 एवढी झाली आहे यातून 200 ते 250 लिटर दूध दररोज काढले जाते. तसेच सव्वा 1 लाख रुपयांची खर्च वजा कमाई होत असल्याचे मधुकरने सांगितले आहे.

तसेच येथे दूध संकलन केले जाते, शेतकरी, पशुपालकांकडून त्यांच्या जनावरांचे काढलेले दूध गोळा करणे ही डेअरी उद्योगासाठी पहिली पायरी मानली जाते. दुधाच्या गुणवत्तेनुसार शेतकऱ्यांना या केंद्राद्वारे पैसे दिले जाते. दूध खराब होऊ नये म्हणून एका मोठ्या टँकमध्ये थंड करून भरले जाते त्यानंतर थंड केलेले दूध मोठ्या टँकरमध्ये भरून डेरी प्लांट पर्यंत पुढील प्रक्रियेसाठी पाठवले जाते.

या नादरपूर गावात 4 हजार लिटर दुधाचे दररोज संकलन केले जाते त्यामुळे 2 हजार रुपयांपर्यंत रोज मिळत असल्याचे अविनाश शिंगारे सांगितले आहे तसेच तरुण वर्ग माहिती घेण्यासाठी येथे येत असल्याचे देखील सांगतो. नादरपूर गाव सर्व सोयी सुविधांनी परिपूर्ण असल्यामुळे या गावाला भेट देण्यासाठी अनेक नागरिक येत असतात, तसेच या गावाला विविध पुरस्कारांनी सन्मानित करण्यात आले आहे.