कुत्रा चोरी, जखमी झाला किंवा कोणाला चावला; तरीही मिळेल भरपाई, जाणून घ्या Pet Insurance चे फायदे

पशू विमा, कुत्रे आणि मांजरीसाठी एक स्पेशल इन्शुरन्स आहे. जे त्यांना हेल्थ कव्हर प्रदान करते. जसं की आपण आपल्या कुटुंबातील लोकांसाठी हेल्थ इन्शुरन्स खरेदी करतो. तसंच पाळीव प्राण्यांसाठी पेट इन्शुरन्स घेतलं जातं. यामध्ये पाळीव प्राण्यांच्या उपचारांवर होणारा मेडिकल खर्च कव्हर केला जातो.

पाळीव प्राण्यांच्या देखरेखीवर दरवर्षी चांगला पैसा खर्च होतो. यामध्ये त्यांना दिल्या जाणाऱ्या लसी आणि इतर मेडिकल खर्चाचा समावेश आहे. एका अंदाजानुसार, अनेक लोक पाळीव डॉगच्या केअरवर 10,000 ते 54,000 रुपये वार्षिक खर्च देतात. अशा वेळी पशू विम्याच्या माध्यमातून तुम्ही हे खर्च कव्हर करु शकतात.

भारतात बजाज एलियॉन्ज जनरल इन्शुरन्स, न्यू इंडिया इन्शुरन्स आणि ओरिएंटल इन्शुरन्स कंपनी लिमिटेड पशु विमा ऑफर करताय. यामध्ये इन्शुरन्स पॉलिसीविषयी प्रत्येक कंपनीचे नियम आणि अटी-वेगवेगळ्या आहेत.

बजाज एलियॉन्ज जनरल इन्शुरन्सचे कस्टमर सपोर्टसोबत झालेल्या चर्चेच्या आधारावर Pet Insurance मध्ये कुत्र्यांच्या उपजारादरम्यान होणारी सर्जरी, मॉर्टेलिटी बेनिफिट, थर्ड पार्टी लायबिलिटी कव्हर म्हणजे तमच्या डॉगने इतर कोणाला नुकसान पोहोचवले तर त्याची नुकसान भरपाई, कुत्रा हरवला किंवा चोरी गेल्यावरही क्लेम मिळेल. इन्शुरन्स पॉलिसीमध्ये काही कव्हर अनिवार्य रुपात सामिल होतील. तर काही कव्हर जोडले जाऊ शकतात. मात्र यासाठी अतिरिक्त प्रिमियम भरावा लागेल.