पुढच्या वर्षी बंद होणार Post Office ची सुपरहिट स्कीम, तुम्ही पैसे गुंतवले की नाही?

मुंबई : केंद्र सरकारने महिला सक्षमीकरण आणि महिलांच्या आर्थिक सुरक्षेसाठी 2023 मध्ये महिला सन्मान सेव्हिंग सर्टिफिकेट नावाची योजना सुरू केली होती. या योजनेद्वारे महिलांना गुंतवणुकीसाठी सुरक्षित आणि आकर्षक पर्याय मिळतात. ही दोन वर्षांची अल्पबचत योजना आहे. या योजनेत महिला किंवा मुलीच्या नावे कमाल दोन लाख रुपये आणि किमान 1000 रुपये गुंतवता येतात. 7.5 टक्के चक्रवाढ व्याज मिळणारी ही योजना फक्त पुढच्या वर्षीपर्यंत आहे. नंतर ही योजना बंद केली जाणार आहे.