Navi Mumbai : रस्त्यावर मृत्यूचा तांडव; क्रेनच्या धडकेत एकाचा अंत, थरार पाहून प्रत्यक्षदर्शी हादरले

अपघातानंतर स्थानिक नागरिकांनी तत्काळ मदत करत त्यांना जवळच्या रुग्णालयात नेले. मात्र डॉक्टरांनी तपासणीनंतर त्यांना मृत घोषित केले. या घटनेमुळे परिसरात हळहळ व्यक्त केली जात आहे.

या प्रकरणी क्रेन चालक विक्रम देशमुख याच्याविरोधात पनवेल तालुका पोलीस ठाण्यात गुन्हा दाखल करण्यात आला आहे. निष्काळजीपणे वाहन चालवून मृत्यूस कारणीभूत ठरल्याचा आरोप त्याच्यावर ठेवण्यात आला आहे. पोलिसांनी पुढील तपास सुरू केला असून क्रेनची तांत्रिक स्थिती आणि अपघाताच्या वेळीचा वेग याबाबत माहिती घेतली जात आहे.

दरम्यान जड वाहनांच्या बेदरकार वाहतुकीमुळे होणाऱ्या अपघातांबाबत नागरिकांमध्ये संताप व्यक्त होत असून प्रशासनाने कठोर कारवाई करावी, अशी मागणी केली जात आहे.