संयुक्त 'मराठी' मोर्च्यात राज आणि उद्धव ठाकरे मुंबईच्या रस्त्यावर एकत्र दिसणार का? आदित्य ठाकरे म्हणाले...

मुंबई : महायुती सरकारने प्राथमिक शाळेत पहिलीपासून हिंदी विषय सक्तीचा केला आहे. या निर्णयामुळे राज्यभरात वाद पेटला आहे. मनसेचे अध्यक्ष राज ठाकरे यांनी 5 जुलै रोजी संयुक्त मराठी मोर्चाची घोषणा केली आहे. या मोर्चात सर्वपक्षीयांना मराठीच्या झेंड्याखाली एकत्र येण्याचं आवाहन करण्यात आलं आहे. ठाकरे गटानेही या मोर्चाला पाठिंबा दिला असून सामील होण्यास होकार दिला आहे. पण, या मोर्च्याच्या निमित्ताने राज आणि उद्धव ठाकरे हे एकाच रस्त्यावर एकत्र दिसतील का? असा सवाल उपस्थितीत झाला आहे. याबद्दल आमदार आदित्य ठाकरेंनी आपल्या शैलीत उत्तर दिलं आहे.