Akash kumar Home : अभिनय आणि फिटनेसचा बादशाह! बॉलिवूडच्या 'मेगास्टार'चे मुंबईतील हे घर पाहिलं का?

अक्षय कुमार आणि त्यांची पत्नी ट्विंकल खन्ना मुंबईच्या जुहू भागात एका आलिशान समुद्रकिनारी बंगल्यात राहतात. हा बंगला मुंबईतील सर्वात प्राईम लोकेशनवर आहे. समुद्राच्या अगदी जवळ असलेलं हे घर म्हणजे निसर्ग आणि शांतीचं सुंदर मिश्रण नक्कीच म्हणता येईल. सकाळी समुद्रावर उगवणारा सूर्य, संध्याकाळी थंड वाऱ्याची झुळूक आणि त्याच ठिकाणी उभारलेल हे घर. अर्थातच पाहणाऱ्याला एकदम सिनेमातील दृश्य वाटतं.

अक्षय कुमारच्या घरासमोरून चालताना तुम्हाला एक शांत आणि हिरवाईने भरलेला परिसर दिसेल. आसपास खूप गर्दी नसते, पण चाहत्यांनी आणि पर्यटकांनी नेहमीच या ठिकाणाला भेट दिलेली असते. अनेकदा लोक फक्त घराबाहेर उभे राहून फोटो काढतात, काही वेळा समुद्रकिनारी बसून त्यांच्या बंगल्याकडे नजर लावून राहतात.

अक्षय कुमारच्या घरात आलिशानपणा नक्कीच आहे, पण तो दिखाऊ नाही. ट्विंकल खन्नाने सजवलेलं हे घर क्लासिक आणि आर्टिस्टिक आहे. घरातील लिव्हिंग रूममध्ये मोठ्या खिडक्या आहेत ज्या थेट समुद्राकडे उघडतात. सूर्यास्ताचा नजारा पाहत चहा पिणं म्हणजे स्वप्नवत अनुभव.

अक्षय कुमारचं हे घर समुद्रकिनाऱ्याच्या अगदी कडेला आहे. त्यामुळे तेथे बसून समुद्राचं सौंदर्य पाहणं ही एक विलक्षण अनुभूती आहे. ट्विंकल आणि अक्षय अनेकदा घराच्या टेरेसवर सकाळी ध्यान किंवा योग करतात. काही वेळा ट्विंकल तिच्या पुस्तकांसाठी किंवा लेखनासाठी इथल्या शांत वातावरणाचा उपयोग करते.https://www.instagram.com/p/DOSrdL-AHwD/?hl=en&img_index=6

जर तुम्ही मुंबईला भेट देत असाल आणि जुहूमध्ये फिरताना अक्षय कुमारचं घर पाहायला गेला, तर काही गोष्टी लक्षात ठेवा:

मुंबईत येणारे देश-विदेशातील पर्यटक खासकरून ‘बॉलिवूड स्टार्स होम टूर’ करतात. त्यात शाहरुख खानचं ‘मन्नत’, सलमानचं ‘गॅलेक्सी अपार्टमेंट’, आणि अर्थातच अक्षय कुमारचं ‘प्राइम बीच बंगला’ यांचा समावेश असतो.

अंधेरी स्टेशनवर उतरल्यावर पुढचा प्रवास अतिशय सोपा आहे. खालील पर्याय तुम्ही वापरू शकता.

अंधेरी स्टेशनच्या पश्चिम बाहेर पडल्यावर तुम्हाला सहजपणे रिक्षा किंवा टॅक्सी मिळेल.

अंधेरी स्थानकातून जुहू बिचकडे जाणारी BEST बसही पकडावी लागेल. बस स्टेशनच्या बाहेरून मिळते. बस प्रवासादरम्यान तुम्हाला समुद्रकिनाऱ्याचे मनमोहक दृश्य पाहायला मिळेल.