प्रवाशांना मोठा दिलासा, उन्हाळ्यात मुंबईतून धावणार विशेष रेल्वे गाड्या, कोणते असतील थांबे?

मुंबई : मध्य रेल्वेकडून उन्हाळ्यातील वाढती प्रवासी गर्दी लक्षात घेऊन विविध मार्गांवर विशेष गाड्या चालवण्याचा निर्णय जाहीर करण्यात आला आहे. मुंबईसह प्रमुख स्थानकांहून देशातील विविध शहरांकडे या गाड्या धावणार असून प्रवाशांना मोठा दिलासा मिळणार आहे.

मुंबईतील छत्रपती शिवाजी महाराज टर्मिनस येथून गोरखपूरसाठी दैनिक विशेष गाड्या 01079 आणि 01080 चालतील. या गाड्या दादर, ठाणे, कल्याण, नाशिक रोड, मनमाड, भुसावळ, इटारसी, भोपाळ, झाशी, कानपूर, लखनौ, गोंडा आदी महत्त्वाच्या स्थानकांवर थांबतील. तसेच CSMT–मडगाव साप्ताहिक गाड्या 01171 आणि 01172 या कोकण मार्गावर धावतील. त्यांना पनवेल, रोहा, चिपळूण, रत्नागिरी, कणकवली, सावंतवाडी येथे थांबे दिले आहेत.

नागपूरसाठी द्विसाप्ताहिक विशेष गाड्या 02141 आणि 02142 चालवण्यात येणार असून त्या नाशिक रोड, भुसावळ, अकोला, बडनेरा, वर्धा या स्थानकांवर थांबतील. दादरहून बलियासाठी 01025 व 01026 या गाड्या हरदा, इटारसी, छतरपूर, खजुराहो, प्रयागराज, वाराणसी मार्गे धावतील.