Mumbai News: प्रजासत्ताक दिनाची परेड गाजवली, आता महाराष्ट्राचा चित्ररथ गिरगावात पाहता येणार

मुंबई: दिल्लीच्या कर्तव्यपथावर प्रजासत्ताक दिनाच्या पार्श्वभूमीवर देशातील वेगवेगळ्या राज्यांनी पथसंचलनामध्ये सहभाग घेतला होता. त्यामध्ये महाराष्ट्राचा सुद्धा रथ होता. यंदा महाराष्ट्र राज्याचा ‘गणेशोत्सव- आत्मनिर्भरतेचे प्रतीक’ या संकल्पनेवर चित्ररथ आधारित होता. या चित्ररथाने ट्रॉफी सुद्धा पटकावली आहे. दिल्लीमध्ये कौतुक झाल्यानंतर आता गिरगावातही हाच चित्ररथ सहभागी होणार असल्याची माहिती समोर येत आहे. प्रजासत्ताक दिनाच्या संचलनामध्ये महाराष्ट्राच्या चित्ररथाने पुरस्कारावर आपलं नाव कोरलं आहे. महाराष्ट्र राज्याची समृद्ध संस्कृती आणि परंपरा देश पातळीवर सादर करणाऱ्या या चित्ररथाने सर्वोत्कृष्ट चित्ररथाचा पुरस्कारही पटकावला असून, हा महाराष्ट्रासाठी एक अभिमानाचा क्षण आहे.