CIDCO Lottery 2025: नवी मुंबईत घ्या स्वस्तातलं घर, 22000 घरांची जम्बो लॉटरी, सोडत कधी?

नवी मुंबईतील आंतरराष्ट्रीय विमानतळावरून लवकरच विमानसेवा सुरू होणार आहे. याच परिसरात आपल्याला घर खरेदीची सुवर्णसंधी आहे. सिडकोकडून लवकरच एक बंपर लॉटरी जाहीर करण्यात येणार असून या लॉटरीत तब्बल 22000 घरांचा समावेश असणार आहे. सिडकोचे व्यवस्थापकीय संचालक विजय सिंघल यांनी याबाबत माहिती दिली आहे. येत्या दसरा किंवा दिवाळीच्या मुहूर्तावर ही लॉटरी जाहीर केली जाण्याची शक्यता आहे.

दरम्यान, सिडको घरांच्या किमती आणि इतर कारणांमुळे गेल्या पाच वर्षांत विविध लॉटरीतील अनेक घरांची विक्रीच झालेली नाही. अनेक घरे विक्री न झाल्याने पडून आहेत. ही घरे आणि आता बांधकाम पूर्ण होत आलेली घरे यांची जम्बो लॉटरी काढण्याची तयारी सिडकोकडून सुरू आहे.