Navi Mumbai : पोलिसांना चकवण्यासाठी स्वतःवरच वार! लुटीचा बनाव रचणाऱ्याचा डाव अंगाशी,असा झाला तरुणाचा भांडाफोड

नेरूळ परिसरात राहणारा हा तरुण एका कुरिअर कंपनीत काम करत होता. शनिवारी रात्री कंपनीचे 50 हजार रुपये घेऊन तो घरी जात असल्याचे त्याने सांगितले. जुईनगर परिसरातील एका ठिकाणी सहा जणांनी आपल्याला अडवून गळ्यावर वार केला आणि रोकड लुटली, असा त्याचा आरोप होता. या प्रकरणी सानपाडा पोलिस ठाण्यात गुन्हा दाखल करण्यात आला.

पोलिसांनी गुन्हे शाखा, स्थानिक पोलिस आणि फॉरेन्सिक पथकाच्या मदतीने तपास सुरू केला. घटनास्थळाचा पंचनामा करण्यात आला आणि आजूबाजूच्या परिसरातील सीसीटीव्ही फुटेज तपासण्यात आले. मात्र तक्रारदाराने सांगितल्याप्रमाणे कोणतेही वाहन किंवा संशयास्पद व्यक्ती कॅमेऱ्यात आढळून आल्या नाहीत.