CSMT Train Update: गुड न्यूज! सीएसटीवरून गाडी सुटली की थेट वेळेवर घरी; प्रवाशांसाठी रेल्वेचा मोठा निर्णय

मुंबई : छत्रपती शिवाजी महाराज टर्मिनस येथून सुटणाऱ्या मेल गाड्यांमुळे होणारा उशीर आणि त्याचा फटका लोकल प्रवाशांना बसण्याचे दिवस लवकरच संपण्याची शक्यता आहे. कारण मध्य रेल्वेने या संदर्भात एक महत्त्वाचा निर्णय घेतला असून, सीएसएमटी येथे थांबणाऱ्या काही एक्सप्रेस गाड्या पुढील काळात लोकमान्य टिळक टर्मिनस (एलटीटी) येथून चालवण्याचा प्रस्ताव रेल्वे बोर्डाकडे मंजुरीसाठी पाठवला आहे. या प्रस्तावाला हिरवा कंदील मिळताच बदलांची अंमलबजावणी केली जाणार आहे.