अविनाश पोलिसांच्या युनिफॉर्ममध्ये फिरायचा, घरच्यांनाही खरं वाटायचं! पण कल्याण स्टेशनवर बिंग फुटलं!

खाकी वर्दी घालण्याची ओढ लहानपणापासून त्याच्या मनात होती. पोलिस बनण्याचं स्वप्न होतं मात्र ते स्वप्न पूर्ण होऊ शकले नाही. रोजंदारीच्या छोट्या- मोठ्या कामातून उदरनिर्वाह करणाऱ्या अविनाश जाधव या तरुणाने मात्र कुटुंबाला आपण पोलिस सेवेत कार्यरत असल्याचे भासवले. त्याच खोट्या ओळखीचे नाटक अखेर कल्याण स्थानकात उघडकीस आले आणि त्याला आरपीएफ आणि जीआरपी पोलिसांकडून अटक करण्यात आली आहे.