'डॉक्टरांना मूर्ख मानतो, आमच्यामुळेच देवेंद्र फडणवीस मुख्यमंत्री पदावर', जैन मुनीचं वादग्रस्त वक्तव्य, पाहा VIDEO

इतकेच नाही, तर जैन मुनींनी राजकीय टिप्पणी करताना, देवेंद्र फडणवीस हे आपल्यामुळेच मुख्यमंत्री पदावर बसले आहेत, असंही विधान केलं. मंत्री मंगलप्रभात लोढा धर्मसभेला गैरहजर राहण्याबद्दल बोलताना, "लोढा नाही आले हे सरकारची मिलीभगत आहे" असा थेट आरोपही त्यांनी केला. त्यांच्या या 'अकलेच्या ताऱ्यांमुळे' (वादग्रस्त विधानांमुळे) आता नवा वाद पेटण्याची चिन्हे आहेत.

मृत कबुतरांच्या आत्म्याच्या शांतीसाठी प्रार्थना करणे आणि आंदोलनाची पुढील दिशा ठरवण्यासाठी सभा सुरू आहे. जैन धर्मात कबुतरांना हिंदू धर्मातील गाईंप्रमाणेच मान आहे. त्यामुळे कबुतरांवर अन्याय का, असा प्रश्न उपस्थित करत कबुतरखाने पुन्हा सुरू करण्याची मागणी करण्यात आली.

माजी नगरसेवक पुरण दोशी यांनी माहिती दिली की, सरकारने पर्युषण काळातही हा प्रश्न मार्गी लावला नाही. त्यामुळे या धर्मसभेत आंदोलनाची पुढील दिशा ठरवण्यात येईल. जर प्रश्न सुटला नाही, तर दिवाळीनंतर आझाद मैदानात मोठे आंदोलन पुकारण्यात येईल. सकल जैन समाज, महावीर मिशन ट्रस्ट, शेरी ॲन्ड दिया फाउंडेशन यासह अनेक संस्था या सभेत सहभागी झाल्या होत्या.