Kalyan News : 'मराठी बोलाच...' पटेल मार्टने सुधारली चूक, कर्मचाऱ्यांना दिली तंबी

त्याचं झालं असं, दुकानातील त्या महिला कर्मचारीने ज्येष्ठ माहिती कार्यकर्ते श्रीनिवास घाणेकर यांना हिंदी भाषेतून उत्तरे दिले. घाणेकर म्हणाले की, तू मराठी का नाही बोलत नाही, यावर महिला कर्मचारीने संतापत जोराने टेबलवर हात आपटून म्हणाली की, मराठी बोलण्याची सक्ती आहे का? मी मराठी नाही बोलणार.

कर्मचारी महिला असल्याने घाणेकर यांनी पटेल मार्टच्या मॅनेजरला घडलेली घटना सांगितली. याच दरम्यान मनसेचे कार्यकर्ता देखील दुकानात पोहोचले. माहिती कार्यकर्ते घाणेकर यांनी घडलेल्या प्रकाराची तक्रार मॅनेजरकडे केल्यानंतर मॅनेजर मनीषा धस यांनी दिलगिरी व्यक्त केली. घाणेकर यांनी पटेल मार्टला इशारा दिला आहे, 15 ऑक्टोबरपर्यंत दुकानातल्या सर्व कर्मचाऱ्यांना मराठी बोलता आले पाहिजे. असे नाही झाले तर मी दुकानाबाहेर उभं राहून येथून खरेदी करू नका, असे आवाहन लोकांना करणार असल्याचे सांगितले. मार्टमधील सर्व कर्मचारी मराठीत बोलणार, असं मॅनेजर मनीषा धस यांनी घाणेकर यांना सांगितले.

घाणेकर यांना दुकानामध्ये उत्तर देत असताना त्या महिला कर्मचारीने तरूणीने रागाच्या भरात हात आदळआपट केली. आपण महाराष्ट्रात कधीपासून राहत आहात? असा प्रश्न घाणेकरांनी त्या महिला कर्मचारीला विचारलं. तिने मी गेल्या चार वर्षांपासून महाराष्ट्रामध्ये राहतेय, असं उत्तर दिले. माहिती कार्यकर्ते श्रीनिवास घाणेकर यांनी दुकानाची मॅनेजर मनीषा धस यांना घडलेला प्रकार सांगितला. मॅनेजरने धस यांना दुकानातील प्रत्येक कर्मचाऱ्याला मराठी भाषा येईल यादृष्टीने प्रयत्न केले जातील. कामगारांना तशा सूचना केल्या जातील, असे आश्वासन दिले. मॅनेजरने घाणेकर यांना आश्वासन दिल्यामुळे तूर्तास मराठी- हिंदी भाषेचा वाद निवळला आहे.