महिलांच्या आरोग्यासाठी ऐतिहासिक पाऊल,महाराष्ट्रात देशातील पहिलं अनोखं क्लिनिक सुरू

मेनोपॉज हा महिलांच्या जीवनातील संवेदनशील टप्पा असून या काळात हार्मोनल बदल, मानसिक अस्थिरता, झोपेतील अडचणी, हाडांचे दुर्बल होणे, हृदयविकाराचा धोका आणि मानसिक आरोग्याशी संबंधित समस्या निर्माण होऊ शकतात. या समस्यांकडे पूर्वी सार्वजनिक आरोग्य व्यवस्थेत पुरेसा लक्ष दिले जात नसे. त्यामुळे महिलांसाठी सर्वांगीण आरोग्य सेवा देणारी संस्था सुरू करणे महत्त्वाचे ठरले.

या क्लिनिकमध्ये महिलांना एका छताखाली हार्मोनल तपासणी, मानसिक आरोग्य सल्ला, हाडांची तपासणी, पोषण मार्गदर्शन आणि हृदयविकार प्रतिबंधक सल्ला मिळतो. मकर संक्रांतीच्या सुमारास या उपक्रमाची सुरुवात करण्यात आली असून हे आरोग्यदायी आणि अर्थपूर्ण भेट म्हणून पाहिले जात आहे.