Egg Rate : राज्यात गारठा वाढताच अंड्यांचे दर भिडले गगनाला,आता किती रुपये मोजावे लागणार?

थंडीत दिवसात आहारातील सकस आहार म्हणून अंड्यांना जास्त पसंती मिळते. त्यामुळे या दिवसांत मागणी वाढून पुरवठा कमी पडतो आणि त्यामुळे अंड्यांचे दर अचानक वाढतात. यंदाच्या वर्षीही अशीच स्थिती दिसत आहे आणि राज्यभर अंड्यांचे दर मोठ्या प्रमाणात वाढलेले आहेत.

मुंबईतील अंधेरी लोखंडवाला हा येथे डझन अंडी 100 रुपयांना मिळत आहेत तर वांद्रे आणि भांडुप परिसरात 94 ते 96 रुपयांना मिळत आहेत. या शिवाय मुंबई शहरील उपनगरात जसं की, बोरिवली, मुलुंड आणि नवी मुंबईत सुमारे 90 रुपये दर आहे. व्यापाऱ्यांच्या अंदाजानुसार नाताळपर्यंत मागणी आणखी वाढेल आणि दर 110-120 रुपये प्रती डझनपर्यंत जाऊ शकतो.