Mumbai Metro 2B : अंधेरी ते मंडाले थेट जा मेट्रोने, मेट्रो 2 बीचे काम पूर्ण, या दिवशी होणार लोकार्पण

अंधेरी पश्चिम ते मंडाले या ‘मेट्रो 2 बी’ मार्गिकेचा पहिला टप्पा म्हणजे डायमंड गार्डन ते मंडाले हा भाग आहे. या टप्प्याला मेट्रो रेल्वे सुरक्षा आयुक्त (सीएमआरएस) यांच्याकडून नुकतेच सुरक्षा प्रमाणपत्र प्राप्त झाले आहे. त्यामुळे आता या टप्प्याच्या उद्घाटनासाठी सर्व मार्ग मोकळे झाले आहेत.

महानगर आयुक्त डॉ. संजय मुखर्जी यांनी सांगितले की, सुरक्षा प्रमाणपत्र मिळाल्यानंतर सरकारकडून मिळणाऱ्या वेळेनुसार लोकार्पणाचा कार्यक्रम पार पडेल. सूत्रांनुसार, पंतप्रधान नरेंद्र मोदी यांच्या हस्ते या मार्गिकेचं उद्घाटन 30 किंवा 31 ऑक्टोबर रोजी होण्याची शक्यता व्यक्त करण्यात येत आहे. राज्य सरकार आणि मुंबई महानगर प्रदेश विकास प्राधिकरण (एमएमआरडीए) या कार्यक्रमाची तयारी जोमाने करत आहेत.

या मार्गिकेचा पहिला टप्पा सुरू झाल्यानंतर मुंबईकरांना डायमंड गार्डन ते मंडाले दरम्यान थेट मेट्रोने प्रवास करता येणार आहे. यामुळे या परिसरातील रस्त्यावरील वाहतूक कोंडी काही प्रमाणात कमी होईल आणि प्रवासाचा वेळही वाचणार आहे.

मेट्रो 2 ए (दहिसर – अंधेरी पश्चिम) चा विस्तार म्हणून मेट्रो 2 बी प्रकल्प राबविण्यात आला आहे. सुमारे 22 किलोमीटर लांबीची ही मार्गिका दोन टप्प्यांत बांधण्यात येत आहे –