PM मोदींकडून मुंबईकरांसाठी मोठं गिफ्ट, वेळ वाचणार, CM फडणवीस यांनी दिली माहिती

सध्या उरण मार्गावर लोकल दीड तासांच्या अंतराने उपलब्ध होती. या मार्गावरील 10 नवीन फेऱ्यांमुळे आता एकूण लोकल सेवा 40 वरून 50 होणार आहेत. त्यामुळे गर्दी कमी होईल आणि गाड्यांचे अंतरही लक्षणीयरीत्या कमी होईल.

बेलापूर–उरण मार्गावर तारघर आणि गव्हाण ही दोन स्थानके अधिकृतरीत्या वापरासाठी तयार आहेत. तारघर स्टेशन हे नवी मुंबई आंतरराष्ट्रीय विमानतळाच्या सर्वात जवळ असल्याने विमानतळाकडे जाणाऱ्या प्रवाशांसाठी थेट कनेक्टिव्हिटी उपलब्ध होईल. तसेच गव्हाण स्टेशनवर शौचालये, प्लॅटफॉर्म, तिकीट काउंटर आणि पार्किंगसह सर्व सुविधा पूर्ण केल्या आहेत. दोन्ही स्थानके सिडकोतर्फे उभारण्यात आली असून रेल्वे प्रशासनाने या महिन्यातच स्थानके आणि नवीन फेऱ्या सुरू करण्याची तयारी दर्शवली आहे.

सीवूड–बेलापूर–उरण मार्गावर फक्त 5 अप आणि 5 डाउन लोकल असल्याने प्रवासी वाढूनही सुविधा वाढत नव्हत्या. या नव्या निर्णयामुळे दररोजचा ताण कमी होणार असून प्रवास अधिक सोयीस्कर होईल.