अँड्रॉइड फोनवर नव्या मालवेयरचा धोका! OTP शिवायही बँक अकाउंट होईल हॅक

सध्याच्या काळात जास्तीत जास्त लोक अँड्रॉइड फोन वापरतात. मात्र आता अँड्रॉइड फोन वापरणाऱ्यांसाठी धोक्याची घंटा आहे. त्यांना एका मालवेअरपासून अलर्ट राहण्याची गरज आहे.

सिक्योरिटी रिसर्चरचे म्हणणे आहे की, हे मालवेअर तुमच्या बँक अकाउंटमध्ये अॅक्सेस करू शकते आणि तुम्हाला कळत नसतानाही व्यवहार करू शकते. हे मालवेअर इतके धोकादायक आहे की ते OTP शिवाय तुमच्या अकाउंटमधून पैसे चोरू शकते. त्याचे नाव अल्बिरिओक्स आहे आणि ते बनावट अॅप्सद्वारे पसरवले जात आहे.

कशी मिळाली याची माहिती? : अँड्रॉइड बँकिंग मालवेअरवर लक्ष ठेवणारी कंपनी क्लेफीने हे मालवेअरविषयी माहिती मिळवली आहे. कंपनीला अनेक प्रकरणांमध्ये असाच प्रकार आढळला. हल्लेखोर व्हॉट्सअॅप आणि टेलिग्राम सारख्या अॅप्सद्वारे लोकांना मलेशियन APK फाइल्स पाठवतात. ते लोकांना डिस्काउंट किंवा इतर ऑफरचे आश्वासन देऊन या फाइल्स इन्स्टॉल करण्यासाठी आमिश देतात.

एकदा फाइल इन्स्टॉल झाली की, हॅकर्स अज्ञात अॅप्स इन्स्टॉल करण्याची परवानगी देण्यासाठी त्याचा वापर करतात. त्यानंतर ते यूझर्सच्या फोनवर मालवेअर इन्स्टॉल करतात.

हे मालवेअर बँकिंग अॅप्सना टार्गेट करते : फोनवर अॅक्टिव्हेट झाल्यानंतर, हे मालवेअर बँकिंग, डिजिटल पेमेंट, फिनटेक आणि क्रिप्टो अॅप्सना टार्गेट करते. ते पासवर्ड चोरत नाही तर अ‍ॅप्सद्वारे थेट ट्रांझेक्शन करते. ही संपूर्ण प्रोसेस बॅकग्राउंटमध्ये चालते आणि यूझर्सना कोणत्याही सूचना मिळत नाहीत आणि हॅकर्सना पैसे चोरण्यासाठी OTP ची आवश्यकता नसते.

अशा मालवेअरपासून कसे दूर राहावे : अँड्रॉइड यूझर्सने नेहमीच गुगल प्ले स्टोअरवरून अ‍ॅप्स डाउनलोड करावेत. अज्ञात किंवा संशयास्पद सोर्सवरील लिंक्सवर क्लिक करून कधीही अ‍ॅप्स डाउनलोड करू नका.

तुमच्या फोनच्या सेटिंग्जमध्ये इन्स्टॉल केलेले अज्ञात अ‍ॅप्स डिसेबल ठेवा.तुम्हाला तुमच्या फोनवर असे अ‍ॅप दिसले जे तुम्ही इन्स्टॉल केलेले नाही, तर ते ताबडतोब डिलीट करा.तुमच्या फोनवर सॉफ्टवेअर अपडेट उपलब्ध असेल तर ते ताबडतोब इंस्टॉल करा.