मेट्रोतून उतरून थेट लोकल पकडायची, मुंबईतील ही मेट्रो आता रेल्वे स्टेशनला जोडणार

मुंबई: मंडाळे ते डी. एन. नगर या मेट्रो ‘2 बी’ मार्गिकेची वांद्रे रेल्वे स्थानकाशी जोडणी लवकरच सुलभ होणार आहे. मुंबई महानगर प्रदेश विकास प्राधिकरणाने (एमएमआरडीए) प्रवाशांच्या सोयीसाठी 278 मीटर लांबीचा अत्याधुनिक पादचारी पूल उभारण्याचा निर्णय घेतला असून, यासाठी तब्बल 41 कोटी 44 लाख रुपयांचा खर्च करण्यात येणार आहे. या पुलामुळे मेट्रो स्थानकातून थेट वांद्रे रेल्वे स्थानकात कोणत्याही अडथळ्याविना पोहोचणे शक्य होईल.