Mumbai News: उरण ते भाऊचा धक्का प्रवासी वाहतूक बंद, कारण काय? कधी सुरू होणार?

मुंबई: उरण परिसरातील मोरा–भाऊचा धक्का सागरी मार्गावरील प्रवासी वाहतूक पुन्हा एकदा गाळ आणि ओहोटीच्या समस्येमुळे ठप्प झाली आहे. दरवर्षी आवर्तनाने निर्माण होणाऱ्या या समस्येनं यंदा दत्तजयंती यात्रेच्या काळातच डोकं वर काढलं. त्यामुळे स्थानिक नागरिक, कामगार तसेच यात्रेकरूंमध्ये नाराजी आहे. 3 डिसेंबरपासून ते 8 डिसेंबरपर्यंत म्हणजे सलग सहा दिवस दुपारनंतरची सर्व प्रवासी लॉन्च सेवा बंद ठेवण्याचा निर्णय एमएमडीच्या अधिकाऱ्यांनी घेतला असून यामुळे हजारो प्रवाशांचे नियोजन विस्कळीत झाले आहे.