आर्यन खान पुन्हा वादाच्या भोवऱ्यात, पबमधला आक्षेपार्ह VIDEO व्हायरल

Aryan Khan : बॉलिवूडचा बादशाह शाहरुख खानचा (Shah Rukh Khan) लाडका लेक अर्थात आर्यन खान पुन्हा एकदा चर्चेत आला आहे. आर्यन खान सध्या बेंगळुरूमध्ये आहे. बेंगळुरूतील पबमधील त्याचा एक व्हिडीओ सध्या सोशल मीडियावर व्हायरल होत आहेत. शाहरुख खानचा मुलगा अशी ओळख मिळवण्यासह 'द बॅड्स ऑफ बॉलिवूड'च्या माध्यमातून आर्यन खानने स्वत:ची एक वेगळी ओळख निर्माण केली आहे. शाहरुखप्रमाणेच आर्यनचाही एक मोठा चाहतावर्ग आहे. आर्यन खान बेंगळुरूमध्ये आलेला असताना त्याची एक झलक पाहण्यासाठी चाहत्यांनी तो असलेल्या पब परिसरात गर्दी केली होती. यावेळी चाहत्यांसोबत संवाद साधण्यापेक्षा आर्यन त्यांच्यासोबत आक्षेपार्ह कृती करताना दिसून आला. त्यामुळे आर्यन खान सध्या नेटकऱ्यांच्या निशाण्यावर आहे. आर्यनचा व्हिडीओ व्हायरल होत असून नेटकरी त्याला चांगलंच सुनावत आहेत.