Mumbai Local Mega Block: लोकल सेवा कोलमडली, मुंबईकरांचे ‘मेगा’हाल! अनेकांचा पायी प्रवास

मुंबई: देशात प्रजासत्ताक दिनाचा उत्साह असतानाच मुंबईकरांचे मात्र पुरते हाल झाले आहेत. मुंबईची जीवनवाहिनी मानली जाणारी लोकलसेवा आज ऐन 26 जानेवारीला विस्कळीत झाली. मध्य रेल्वेचा रात्रकालीन मेगाब्लॉकचा कालावधी संपला तरी सेवा सुरुळीत झालीच नाही. तर पश्चिम रेल्वे देखील उशिराने धावत होती. त्यामुळे प्रवाशांना मनस्ताप सहन करावा लागला. काही ठिकाणी प्रवाशांनी ट्रॅकवरून पायी प्रवास सुरू केल्याचे चित्र होते. त्यानंतर मध्य रेल्वेने सकाळी 8 नतंरही मेगाब्लॉक सुरूच राहणार असल्याचे जाहीर केले. मात्र, यात मध्य रेल्वेची वाहतूक कोलमडून पडल्याचे चित्र दिसले.