Mumbai Local: मुंबईकरांनो वेळापत्रक पाहून बाहेर पडा, काही ट्रेन रद्द तर काही उशिराने, मध्य-हार्बर मार्गावर विकेण्डला मेगाब्लॉक

मुंबई: मुंबकरांसाठी महत्त्वाची बातमी आहे. वीकेंडला लोकलने बाहेर जाण्याचा विचार करत असाल तर आधी वेळापत्रक पाहावं लागणार आहे. या विकेंडला मध्य आणि हार्बर मार्गावर ब्लॉक घेण्यात येणार आहे. माटुंगा – मुलुंड आणि छत्रपती शिवाजी महाराज टर्मिनस -  चुनाभट्टी / वांद्रे दरम्यान मध्य रेल्वेने रविवारी ब्लॉक घोषित केला आहे. तर पश्चिम रेल्वे वसई रोड ते भाईंदर दरम्यान शनिवारी रात्रकालीन ब्लॉक घेणार आहे.  या काळात रेल्वे रुळांसह सिग्नल यंत्रणेची देखभाल करण्यात येणार असून त्यासाठी काही लोकल रद्द करण्यात आल्या आहेत. तर काही विलंबाने धावणार आहेत.