Mumbai Metro 2 Update : मुंबईकरांची प्रतिक्षा संपणार; डायमंड गार्डनर ते मंडाळे मेट्रोचा महत्त्वाचा टप्पा तयार; कधीपासून सुरु होणार
Last Updated:
Mumbai Metro 2B : डायमंड गार्डन ते मंडाळे मेट्रो 2 ब मार्गिकेचा पहिला टप्पा डिसेंबर 4 पासून लोकार्पणासाठी सज्ज आहे. 5.6 किलोमीटरचा हा मार्ग प्रवाशांना सुरक्षित, जलद आणि सोयीस्कर प्रवासाची सुविधा देणार आहे.
मुंबई : मुंबईकरांसाठी एक मोठी आनंदाची बातमी समोर येत आहे. गेल्या काही महिन्यांच्या प्रतीक्षेनंतर मेट्रो 2 ब मार्गिकेच्या डायमंड गार्डन ते मंडाळे या पहिल्या टप्प्याचे लोकार्पण अखेर लवकरच होणार आहे. अनेक दिवसांच्या कामानंतर 5.6 किलोमीटर लांबीच्या या महत्त्वाच्या मार्गिकेचा पहिला टप्पा पूर्ण झाला असून, अंधेरी पश्चिम ते मंडाळे दरम्यानच्या प्रवाशांना जलद आणि सोयीस्कर प्रवासाची संधी मिळणार आहे.
भुयारी मेट्रोच्या अंतिम टप्प्यासह मेट्रो 2 ब मार्गिकेचे लोकार्पण करण्याचे नियोजन होते, परंतु सीएमआरएसचे प्रमाणपत्र न मिळाल्यामुळे हा कार्यक्रम काही काळासाठी पुढे ढकलला होता. मात्र आता आवश्यक प्रमाणपत्र मिळाल्यामुळे आणि सर्व तयारी पूर्ण झाल्यामुळे लोकार्पणाची प्रक्रिया सुरू होण्याची अपेक्षा आहे.
मेट्रोच्या पहिल्या टप्प्याच्या लोकार्पणासाठी मुख्यमंत्री देवेंद्र फडणवीस यांच्या हस्ते कार्यक्रम आयोजित करण्याची तयारी सुरू आहे. सध्यातरी तारीख अधिकृतरीत्या जाहीर झालेली नाही, पण 4 डिसेंबरला हा कार्यक्रम होण्याची शक्यता आहे. यावेळी मेट्रोच्या लोकार्पणासह आणखी दोन महत्वाच्या प्रकल्पांचा प्रारंभही होणार असल्याचे समजत आहे, जे मुंबईकरांसाठी आणखी एक आनंदाची बातमी ठरणार आहे.
advertisement
या नवीन मेट्रो मार्गामुळे प्रवाशांना गर्दी टाळता येईल शिवाय त्यांच्या प्रवासाचा वेळ वाचेल आणि शहरातील वाहतूक व्यवस्थेत सुधारणा होईल तसेच या प्रकल्पामुळे मुंबईकरांच्या दैनंदिन जीवनात मोठी सोय होणार आहे, तसेच शहराची रेल्वे वाहतूक प्रणाली अधिक सुलभ आणि आधुनिक स्वरूपात विकसित होईल.
view commentsLocation :
Mumbai,Maharashtra
First Published :
November 29, 2025 9:57 AM IST
मराठी बातम्या/मुंबई/
Mumbai Metro 2 Update : मुंबईकरांची प्रतिक्षा संपणार; डायमंड गार्डनर ते मंडाळे मेट्रोचा महत्त्वाचा टप्पा तयार; कधीपासून सुरु होणार
