Mumbai Water Cut : मुंबईकरांवर पाणीकपातीचे संकट ओढवणार; कोणत्या भागांना मिळणार नाही पाणी;जाणून घ्या

मुंबई महानगरपालिकेने मेट्रो ७ अ प्रकल्पाच्या कामासाठी अपर वैतरणा मुख्य जलवाहिनीच्या जोडणीचे महत्त्वाचे काम हाती घेण्याचा निर्णय घेतला आहे. या कामासाठी 2400 मिमी व्यासाच्या मोठ्या जलवाहिनीची जोडणी करण्यात येणार असून हे काम 22 डिसेंबर रोजी सकाळी 10 वाजता सुरू होऊन 26 डिसेंबर रोजी दुपारी 1 वाजेपर्यंत चालणार आहे. एकूण सुमारे 99 तास हे काम सुरू राहणार असल्याची माहिती पालिका प्रशासनाने दिली आहे.

जी उत्तर विभागातील धारावी परिसरात सकाळी तसेच सायंकाळच्या पाणीपुरवठ्यावर परिणाम होणार आहे. धारावी लूप मार्ग, ए. के. जी. नगर, जस्मिन मील मार्ग, संत रोहिदास मार्ग, 60 फूट आणि 90 फूट मार्ग अशा भागांमध्ये ठरावीक वेळेत कमी दाबाने पाणीपुरवठा होणार आहे.