Mumbai Water Supply: मुंबईकरांनो, 4 ते 5 दिवस पाणी गाळून, उकळून प्या! शनिवारी कमी दाबाने पाणीपुरवठा

बृहन्‍मुंबई महानगरपालिकेच्‍या जल अभियंता विभागामार्फत वांद्रे पश्चिम येथील पाली हिल जलाशयाच्‍या इनलेटवरील व्‍हॉल्‍व्‍ह दुरूस्‍तीचे काम नियोजित आहे. शनिवार, दिनांक २२ नोव्‍हेंबर २०२५ रोजी मध्‍यरात्री १ वाजेपासून पहाटे ५ वाजेपर्यंत हे दुरूस्‍ती कामकाज हाती घेण्‍यात येणार आहे. दुरूस्‍ती पूर्ण झाल्‍यानंतर पाणीपुरवठा सुरळीत केला जाईल. मात्र, या दुरुस्तीमुळे ‘एच पश्चिम’ विभागातील काही भागात कमी दाबाने पाणीपुरवठा होणार आहे. त्‍यामुळे नागरिकांनी पाण्‍याचा पुरेसा साठा करावा व काटकसरीने पाणी वापरुन सहकार्य करावे, असे नम्र आवाहन बृहन्‍मुंबई महानगरपालिका प्रशासनाच्‍या वतीने करण्‍यात येत आहे.