मुंबईतील प्रवाशांसाठी महत्त्वाची बातमी, होळीच्या काळात प्लॅटफॉर्म तिकीट मिळणार नाहीत!

मुंबई : होळीनिमित्त गावी जाणार असाल तर मुंबई रेल्वेचा हा नवा नियम जाणून घ्या कारण होळीनिमित्त प्रवाशांची वाढती संख्या लक्षात घेऊन मध्य रेल्वे प्रशासनाने काही महत्त्वाचे निर्णय घेतले आहेत. मुंबईहून कोकण, दक्षिण-पूर्व भारत आणि उत्तर भारतात मोठ्या प्रमाणावर प्रवासी जात असतात. त्यामुळे रेल्वे स्थानकांवर मोठी गर्दी होते. ही परिस्थिती हाताळण्यासाठी रेल्वे प्रशासनाने विशेष गाड्या सुरू केल्या आहेत तसेच काही नियंत्रणात्मक उपाययोजना केल्या आहेत.