Mumbai : दक्षिण आशियातील पाहूणा थेट मुंबईच्या खाडीवर; महाराष्ट्रात 'ऐशी ड्रोंगो'चे प्रथम दर्शन; पाहा PHOTO

अशरा यांनी आतापर्यंत 80 ते 90 प्रकारच्या पक्ष्यांच्या या भागात नोंदी केल्या आहेत. ते या परिसरातील समृद्ध पक्षी जैवविविधतेविषयी जागरूकता निर्माण करण्यासाठी अजून संशोधन आणि नोंदी करण्याचा विचार करत आहेत. birdcount.in नुसार, भारतात ऐशी ड्रोंगो हा पक्षी प्रामुख्याने हिमालय आणि मध्य भारतातील भागात उन्हाळ्यात प्रजनन करतो. हिवाळ्यात तो खालच्या उंच प्रदेशांमध्ये स्थलांतर करतो आणि सहसा हिमालयाच्या पायथ्याशी, ईशान्य भारतात आणि दक्षिण भारतातील जंगल भागात आढळतो.

या प्रजातीच्या अनेक उपप्रजाती पूर्व आणि आग्नेय आशियात देखील सापडतात. त्यातील काही उपप्रजाती हिवाळ्यात दक्षिणेकडे स्थलांतर करतात. त्यापैकी एक विशेष उपप्रजाती म्हणजे ‘चिनी पांढऱ्या चेहऱ्याचा ऐशी ड्रोंगो’, जो कमी प्रमाणात अंदमान आणि निकोबार बेटांवर दिसून येतो.

या अनोख्या दर्शनामुळे मुंबईतील पक्षीप्रेमीमध्ये उत्साह संचारला आहे. मनोरीसारख्या किनारी गावात असा दुर्मीळ पाहुणा दिसणे, शहराच्या निसर्गाची संपत्ती आणि पर्यावरणाचा समतोल दाखवणारे एक सुंदर उदाहरण ठरले आहे..