Innova झाली आऊटऑफ कंट्रोल, डिव्हायडरवर जाऊन धडकली; मुंबईत विचित्र अपघाताचा PHOTOS व्हायरल

जुहू परिसरातील नेहरू नगरातील एचडीएफसी बँकेसमोर भीषण अपघाताची घटना घडली आहे. नेमका हा भीषण अपघात कसा घडला याचा तपास मुंबई पोलिसांकडून घेतला जात आहे. शिवाय, इनोव्हा कार रस्त्याच्या मधोमध असणाऱ्या दुभाजकाला जाऊन कशी धडकली? याचाही सध्या पोलीस शोध घेत आहेत.

टोयोटा इनोव्हा क्रिस्टा कारची धडक इतकी जोरदार होती की, रस्त्यामध्ये असणाऱ्या थेट दुभाजकाला येऊनच धडकली. ही कार दुभाजकाला धडकून थेट रस्त्याच्या मधोमध आडवी आली होती. जुहूतल्या या अपघाताचे फोटोज् सध्या सोशल मीडियावर तुफान व्हायरल होत आहेत. 'जुहू बझ' या इन्स्टा पेजने अपघाताचे फोटोज् इन्स्टाग्रामवर शेअर केलेले आहेत. घटनेविषयीची सविस्तर माहिती समोर आलेली नाही. नेमकी घटना कशी घडली? घटनेत जखमींची संख्या किती? किती जणं जखमी झाले आहेत? कारचं सुद्धा किती नुकसान झालं आहे? घटनेविषयीची कोणतीही माहिती समोर आलेली नाही. पोलिसांकडून घटनेची सविस्तर चौकशी केली जात आहे.