Mumbai Water Cut: मुंबईत 'या' भागांमध्ये पाणीबाणी, 18 तासांसाठी बंद राहणार पाणीपुरवठा; कधी आणि कोणत्या भागात? वाचा...

कांदिवली (पूर्व) येथे पश्चिम द्रुतगती महामार्गालगत असलेल्या 900 मिलीमीटर व्यासाच्या जलवाहिनीसमवेत 900 मिलीमीटर व्यासाची जलवाहिनी जोडणी करण्‍याचे काम प्रस्तावित आहे. तसेच, कांदिवली (पूर्व) येथील ठाकूर संकुलद्वार परिसरातील 900 मिलीमीटर व्यासाची जुनी जलवाहिनी खंडित करण्‍याची कार्यवाहीदेखील नियोजित आहे. ही दोन्ही कामे गुरुवार, दिनांक 4 डिसेंबर 2025 रोजी दुपारी 01:30 वाजेपासून ते शुक्रवार, 5 डिसेंबर 2025 रोजी सकाळी 07:30 वाजेपर्यंत, एकूण 18 तासांच्या कालावधीत हाती घेतली जाणार आहेत.

आर दक्षिण विभागातील ठाकूर गाव, समता नगर, चिखलवाडी, जानू पाडा परिसरास दररोज सायंकाळी 06:25 ते रात्री 08:25 या कालावधीत पाणीपुरवठा केला जातो. नियोजित जलवाहिनी जोडणी/ खंडित कामामुळे ठाकूर गाव, समता नगर, चिखलवाडी, जानू पाडा परिसराचा पाणीपुरवठा गुरुवार, दिनांक 4 डिसेंबर 2025 रोजी पूर्णपणे बंद राहणार आहे. सर्व संबंधित नागरिकांनी खबरदारीचा उपाय म्हणून पाण्याचा पुरेसा साठा करावा. पाणी काटकसरीने वापरावे आणि बृहन्मुंबई महानगरपालिका प्रशासनास सहकार्य करावे, असे आवाहन करण्‍यात येत आहे.